Qazaqstan Prezidenti Nur-Sultan qalasynyń ákimi Altai Kólginovti qabyldady, dep habarlaidy Aqorda.
Qasym-Jomart Toqaevqa elordanyń áleýmettik-ekonomikalyq damýy jáne 2019 jyly qazan aiyndaǵy keńeste berilgen tapsyrmalardyń oryndalý barysy týraly baiandaldy.
Altai Kólginovtiń aitýynsha, Memleket basshysynyń tapsyrmasymen biyl qoljetimdi turǵyn úi qurylysy aitarlyqtai jandana túsken. Osy oraida baspana kezeginde turǵan azamattar men halyqtyń áleýmettik turǵydan qorǵalmaǵan toptary úshin 8 myń páterdi paidalanýǵa berý josparlanyp otyr.
Sonymen qatar Prezidentke úleskerlerdiń problemasyn sheshý jáne bitpei qalǵan turǵyn úilerdiń qurylysyna qatysty ahýaldy retteý jaiynda málimet berildi.
Memleket basshysy Jumyspen qamtýdyń jol kartasynyń oryndalýyn erekshe baqylaýda ustaý qajettigin aitty. Sondai-aq infraqurylymdyq jobalardy, onyń ishinde, mektepter men ońaltý ortalyǵyn salý, joldar men áleýmettik nysandardy jóndeý, kóshelerdi, turǵyn úi alaptary men qoǵamdyq oryndardy abattandyrý siiaqty jumystardy sapaly júzege asyrýdyń mańyzdylyǵyn atap ótti.
Budan bólek kezdesýde investitsiia tartý, shaǵyn jáne orta biznesti qoldaý, áleýmettik jaǵdaiy tómen azamattarǵa kómek kórsetý máselelerine basa mán berildi.
Kezdesý qorytyndysy boiynsha Qazaqstan Prezidenti qurylys sektoryndaǵy jumystardyń kólemin arttyrý, úsh aýysymdaǵy mektepterdiń máselesin shuǵyl sheshý, sondai-aq, jumyssyz qala turǵyndaryn jumyspen qamtý jóninde tapsyrma berdi.
