Úkimettiń keńeitilgen otyrysynda Prezident Qasym-Jomart Toqaev Almaty qalasyndaǵy №2 jylý-elektr ortalyǵyn jańǵyrtý jobasyna qatysty tapsyrma berdi, dep habarlaidy "Ult aqparat".
«Men Úkimetke «Samuryq-Qazyna» qorymen birge Almaty qalasyndaǵy №2 jylý-elektr ortalyǵyn gazǵa aýystyrý jobasynyń qunyn naqtylaýdy tapsyrǵan bolatynmyn. Úkimet pen qor buryn usynylǵan kómir-elektr stansasyn jańǵyrtý jobasynyń ornyna jańa bý-gaz qondyrǵysyn ornatýdy usynyp otyr. Meniń túsinýimshe, jobanyń oryndalý merizimi – 2026 jyldyń aiaǵyna deiin. Negizi men bul usynysty qoldaimyn jáne jobany iske asyrýǵa kirisýdi tapsyramyn. Birinshi kezeńi 2023 jyly aiaqtalýy kerek», - dedi Qasym-Jomart Toqaev.
