Memleket basshysy Qasym-Jomart Toqaev Sybailas jemqorlyqqa qarsy is-qimyl agenttiginiń tóraǵasy Alik Shpekbaevty qabyldady, dep habarlaidy Aqorda.
Qazaqstan Prezidentine Sybailas jemqorlyqqa qarsy is-qimyl agenttiginiń biylǵy 9 ai ishinde atqarǵan jumystarynyń negizgi kórsetkishteri jóninde esep berildi.
Memleket basshysyna jemqorlyqqa qarsy zańnamaǵa túzetý engizilgeni jáne Dúniejúzilik banktiń jemqorlyqty baqylaý indeksindegi elimizdiń kórsetkishi aitarlyqtai jaqsarǵany týraly baiandaldy.
Qasym-Jomart Toqaev Qazaqstannyń jemqorlyqqa qarsy saiasatyn halyqaralyq standarttarǵa sáikes keshendi ári dáiekti túrde jańǵyrtýdy jalǵastyrýdyń mańyzdy ekenin atap ótip, jemqorlardy shartty túrde merziminen buryn bosatýdan bas tartý týraly tapsyrmalardyń sapaly júzege asyrylý jáne memlekettik qyzmetshiler, depýtattar men sýdialar úshin sheteldik shottarynyń bolýyna tyiym salý qajettigine nazar aýdardy.
Kezdesý sońynda Prezident aldyn alý jumystaryn tiimdi júrgizýdiń jáne biýdjet qarjysynyń maqsatty jumsalýyna júieli baqylaý jasaýdyń mańyzdy ekenin aitty. Bul pandemiia kezinde óte ózekti bolyp tabylady.
