Memleket basshysy Energiia tiimdiligi ortalyǵyna bardy, dep habarlaidy "Ult aqparat" Aqordanyń baspasóz qyzmetine silteme jasap.
Nursultan Nazarbaev ortalyqtyń jumysymen tanysty. Onyń negizgi mindeti – balamaly energetika tehnologiiasyn kórsetý jáne turǵyn úilerdi ystyq sýmen, jylýmen jáne elektr qýatymen qamtamasyz etý úshin ony paidalana bilýge úiretý.
Ortalyqtyń ǵimaraty kún panelderimen, gaz porshendi stantsiiamen, geotermaldi júiemen, sondai-aq jel generatorlarymen jabdyqtalǵan. Munda Qala tirshiligin qamtamasyz etý jáne turǵyn úi-kommýnaldyq sharýashylyq injenerlik jelilerine monitoring júrgizý ortalyǵy, Halyqqa qyzmet kórsetý ortalyǵy, Oblystyq ishki ister departamentiniń Jedel basqarý ortalyǵy, Aqtóbe qalasynyń «Almaty» aýdany ákiminiń apparaty ornalasyp, jumys júrgizýde.
Elbasy engizilgen jańalyqtarǵa oń baǵa berip, «EKSPO-2017» halyqaralyq kórmesinde tanystyrylǵan «jasyl» tehnologiialardy tájiribede qoldanýdyń mańyzdylyǵyn atap ótti.
Sonymen qatar, Aqtóbe qalasynyń ákimi Qazaqstan Prezidentine oblys ortalyǵynyń damý barysy, sondai-aq Aqtóbe aglomeratsiiasyn, «SmartCity Aqtóbe» júiesin jáne qalanyń qoǵamdyq keńistigin qurý jóninde berilgen tapsyrmalardyń oryndalýy týraly málimdedi.
Sońynda Elbasy Aqtóbe qalasynyń odan ári damýyna qatysty birqatar naqty tapsyrma berdi.
.jpeg)