Aqtóbege jumys saparymen kelgen Elbasy Nursultan Nazarbaev rels-arqalyq zaýytynyń jumysymen tanysty, dep habarlaidy Ult.kz tilshisi QazAqparat agenttigine silteme jasap.
Aqtóbege jumys saparymen kelgen Elbasy Nursultan Nazarbaev rels-arqalyq zaýytynda boldy. Munda Eýropalyq standartpen sai rels shyǵarylady. Relster iri magistrldi joldarǵa da arnalǵan. Joba qýattylyǵy boiynsha munda jylyna 430 myń tonna ónim óndiriledi. Onyń teń jartysy rels. Elbasy zaýyttyń jumysymen tanysyp, jas mamandarmen tildesti.
«Biz relsterdiń metallografikalyq mikro jəne makro qysymnyn zertteimiz. Zaýyt tarapynan metallografiialyq taldaýdy arnaiy Sank-Peterbýrg qalasynan oqyp keldik. Rels sapasy óte joǵary. Biz jumys isteitin qondyrǵylar əlemde eń úzdik bolyp tabylady. Zaýyttaǵy əleýmettik jəne eńbek jaǵdaiyna rizamyz. Əmbebap óndiriste jumys istep júrgenimdi maqtan etemin. Sizge zor alǵys bildiremin», - dedi zaýyttaǵy metaltaný zerthanasynyń jumysshysy Aiym Seksenbaeva.
Óz kezeginde Elbasy jumysshy jastarmen sýretke túsip, səttilik tiledi.
«Aqtóbe bir million adam bolatyn qalalar qataryna kiredi dep bərin istep jatyrmyz. Mynaý bizdiń Otanymyz. Otanymyzǵa mundai zaýyttyń talaiyn salamyz. Aqtóbede Qytaiǵa ótetin jol bar, temir jol bar, gaz bar. Mundai jaǵdai kópshiliginde joq. Baqyttysyńdar, aman bolyńdar», - dedi Elbasy.
Aita keteiik, Aqtóbede shyǵarylǵan rels «Nurly jol» memlekettik baǵdarlamasyn iske asyrý kezinde keń qoldanylyp jatyr. Almaty-Shý baǵytyndaǵy temirjolǵa aqtóbelik rels tósendi. Quryq teńiz portynyń qurylysy men Astanadaǵy «Nurly jol» temirjol vokzalynyń qurylysy kezinde otandyq ónim paidalanyldy. Aqtóbeden shyǵarylyp jatqan relstiń sapasy joǵary qaýipsizdik talaptaryna sai keledi.
