اقتٶبەگە جۇمىس ساپارىمەن كەلگەن ەلباسى نۇرسۇلتان نازارباەۆ رەلس-ارقالىق زاۋىتىنىڭ جۇمىسىمەن تانىستى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
اقتٶبەگە جۇمىس ساپارىمەن كەلگەن ەلباسى نۇرسۇلتان نازارباەۆ رەلس-ارقالىق زاۋىتىندا بولدى. مۇندا ەۋروپالىق ستاندارتپەن ساي رەلس شىعارىلادى. رەلستەر ٸرٸ ماگيسترلدٸ جولدارعا دا ارنالعان. جوبا قۋاتتىلىعى بويىنشا مۇندا جىلىنا 430 مىڭ توننا ٶنٸم ٶندٸرٸلەدٸ. ونىڭ تەڭ جارتىسى رەلس. ەلباسى زاۋىتتىڭ جۇمىسىمەن تانىسىپ, جاس ماماندارمەن تٸلدەستٸ.
«بٸز رەلستەردٸڭ مەتاللوگرافيكالىق ميكرو جəنە ماكرو قىسىمنىن زەرتتەيمٸز. زاۋىت تاراپىنان مەتاللوگرافييالىق تالداۋدى ارنايى سانك-پەتەربۋرگ قالاسىنان وقىپ كەلدٸك. رەلس ساپاسى ٶتە جوعارى. بٸز جۇمىس ٸستەيتٸن قوندىرعىلار əلەمدە ەڭ ٷزدٸك بولىپ تابىلادى. زاۋىتتاعى əلەۋمەتتٸك جəنە ەڭبەك جاعدايىنا ريزامىز. Əمبەباپ ٶندٸرٸستە جۇمىس ٸستەپ جٷرگەنٸمدٸ ماقتان ەتەمٸن. سٸزگە زور العىس بٸلدٸرەمٸن», - دەدٸ زاۋىتتاعى مەتالتانۋ زەرتحاناسىنىڭ جۇمىسشىسى ايىم سەكسەنباەۆا.
ٶز كەزەگٸندە ەلباسى جۇمىسشى جاستارمەن سۋرەتكە تٷسٸپ, سəتتٸلٸك تٸلەدٸ.
«اقتٶبە بٸر ميلليون ادام بولاتىن قالالار قاتارىنا كٸرەدٸ دەپ بəرٸن ٸستەپ جاتىرمىز. مىناۋ بٸزدٸڭ وتانىمىز. وتانىمىزعا مۇنداي زاۋىتتىڭ تالايىن سالامىز. اقتٶبەدە قىتايعا ٶتەتٸن جول بار, تەمٸر جول بار, گاز بار. مۇنداي جاعداي كٶپشٸلٸگٸندە جوق. باقىتتىسىڭدار, امان بولىڭدار», - دەدٸ ەلباسى.
ايتا كەتەيٸك, اقتٶبەدە شىعارىلعان رەلس «نۇرلى جول» مەملەكەتتٸك باعدارلاماسىن ٸسكە اسىرۋ كەزٸندە كەڭ قولدانىلىپ جاتىر. الماتى-شۋ باعىتىنداعى تەمٸرجولعا اقتٶبەلٸك رەلس تٶسەندٸ. قۇرىق تەڭٸز پورتىنىڭ قۇرىلىسى مەن استاناداعى «نۇرلى جول» تەمٸرجول ۆوكزالىنىڭ قۇرىلىسى كەزٸندە وتاندىق ٶنٸم پايدالانىلدى. اقتٶبەدەن شىعارىلىپ جاتقان رەلستٸڭ ساپاسى جوعارى قاۋٸپسٸزدٸك تالاپتارىنا ساي كەلەدٸ.
