Foto: MAM
5 sáýirde, «Aqtaý – Túrki áleminiń 2025 jylǵy mádeni astanasy» jylynyń ashylý saltanaty ótti. Aitýly is-sharaǵa orai Qazaqstan Prezidenti Qasym-Jomart Toqaev arnaiy quttyqtaý hatyn joldady, dep habarlaidy Ult.kz.
Memleket basshysynyń quttyqtaýyn QR Mádeniet jáne aqparat ministri Aida Balaeva oqyp berdi.
Prezident óziniń quttyqtaý hatynda Aqtaý qalasynyń Túrki áleminiń mádeni astanasy atanýyn elimiz úshin ǵana emes, barlyq baýyrlas túrki memleketteri úshin mańyzdy oqiǵa retinde atap ótti.
«Shejireli Mańǵystaý, qazynaly Ústirt aimaǵy tutas túrki órkenietiniń ajyramas bóligi sanalady. Kieli ólkede ultymyzdyń, jalpy túrki dúniesiniń san ǵasyrlyq rýhani murasy saqtalǵan. Tarihy tamyrlas, dástúri sabaqtas halyqtardyń yntymaqtastyǵyn odan ári nyǵaitý – barshamyzdyń ortaq mindetimiz. Osy ataýly jylda baýyrlastyǵymyzdy bekemdei túsetin basqosýlar uiymdastyrylyp, mańyzdy sheshimder qabyldanady dep senemin. Túrki memleketteriniń yqpaldastyǵyn arttyrýǵa zor úles qosyp júrgen TÚRKSOI uiymyna jáne osy is-sharany uiymdastyrýshylarǵa shynaiy rizashylyǵymdy bildiremin. Túbi bir túrki jurtynyń birligi nyǵaia bersin!» – delingen hatta.
Aita keteiik, saltanatty jiynǵa Ázerbaijan, Qyrǵyzstan, Túrkiia, Ózbekstan, Túrkimenstan, Vengriia elderinen mártebeli meimandar qatysty.
Foto: MAM
Qart Kaspii jaǵalaýynda ótken aýqymdy is-sharaǵa aimaq turǵyndary men Qazaqstannyń ózge óńirlerinen,shetelden kelgen qonaqtardy qosa alǵanda 100 myńdai kórermen jinaldy.
Saltanatty sharanyń basty nysandarynyń biri – «Darhan dala» etnoqalashyǵy. Bul – qazaqtyń dástúrin, kieli Mańǵystaý murasyn jáne túrkihalyqtarynyń tarihyn keńinen nasihattaýǵa arnalǵan biregei mádeni keńistik.
Eske sala keteiik, Ázerbaijanda ótken TÚRKSOI-ǵa múshe memleketterdiń 40-sessiiasynda Aqtaý qalasyna Túrki áleminiń 2025 jylǵy mádeni astanasy mártebesin berý týraly sheshim qabyldanǵan bolatyn. Ataýly jyl kóleminde túrki mádenietiniń rýhyn tereń sezinýge múmkindik beretin túrli festivalder, kontsertter, kórmelermen teatr qoiylymdar josparlanǵan.
5 sáýirde Mańǵystaýda «Aqtaý - Túrki áleminiń mádeni astanasy» jylynyń ashylý saltanaty ótti.
Sondai-aq, TÚRKSOI aiasyndaǵy ataýly jyldar sheńberinde 2025 jyl Qazaqstannyń halyq ártisi, uly kompozitor jáne dirijior Nurǵisa Tilendiev jyly dep jariialandy.
