Foto: Akorda.kz
Prezident Qasym-Jomart Toqaev elimizdiń áleýmettik-ekonomikalyq damý máseleleri jónindegi keńeitilgen keńeste 2050 – Strategiiasyn jańartýdy tapsyrdy, - dep habarlaidy "Ult aqparat" Aqordanyń baspasóz qyzmetine silteme jasap.
«Qazir memlekettik josparlaý júiesinde 163 qujat bar. Onyń árqaisysy ortasha alǵanda 40 is-sharany qamtidy. 2010 jyldan beri sozylyp kele jatqan tapsyrmalar bar. Tapsyrmalardyń ózektiligin qaitadan muqiiat qaraý qajet. Qaǵazbastylyq kerek emes.
Men sońǵy kezdegi jahandyq úrdisterdi eskerip, 2050 – Strategiiasyn jańartýdy tapsyrdym. Bul uzaq merzimge arnalǵan qujat bolýǵa tiis. Onda áleýmettik-ekonomikalyq jáne qoǵamdyq-saiasi damý jolyndaǵy negizgi basymdyqtar aiqyndalýy kerek. 2025 jylǵa deiingi ulttyq damý jospary ózektiligin joǵaltty dep oilaimyn. Sol sebepti jańa qujat ázirleý qajet. Onda elimizdiń orta merzimge arnalǵan maqsat-mindetteri naqty belgilenýge tiis.
Bul qujat memleketimizdi damytýǵa qatysty barlyq máseleni qamtýy qajet. Sailaý aldyndaǵy baǵdarlamam da eskerilýi kerek. Oǵan Májilis sailaýynda jeńiske jetken «Amanat» partiiasy baǵdarlamasynyń negizgi tustaryn qosqan jón. Basqa partiialardyń oryndy usynystaryna da basa mán bergen abzal» - dedi Memleket basshysy.
