فوتو: Akorda.kz
پرەزيدەنت قاسىم-جومارت توقاەۆ ەلٸمٸزدٸڭ ەلەۋمەتتٸك-ەكونوميكالىق دامۋ مەسەلەلەرٸ جٶنٸندەگٸ كەڭەيتٸلگەن كەڭەستە 2050 – ستراتەگيياسىن جاڭارتۋدى تاپسىردى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«قازٸر مەملەكەتتٸك جوسپارلاۋ جٷيەسٸندە 163 قۇجات بار. ونىڭ ەرقايسىسى ورتاشا العاندا 40 ٸس-شارانى قامتيدى. 2010 جىلدان بەرٸ سوزىلىپ كەلە جاتقان تاپسىرمالار بار. تاپسىرمالاردىڭ ٶزەكتٸلٸگٸن قايتادان مۇقييات قاراۋ قاجەت. قاعازباستىلىق كەرەك ەمەس.
مەن سوڭعى كەزدەگٸ جاھاندىق ٷردٸستەردٸ ەسكەرٸپ, 2050 – ستراتەگيياسىن جاڭارتۋدى تاپسىردىم. بۇل ۇزاق مەرزٸمگە ارنالعان قۇجات بولۋعا تيٸس. وندا ەلەۋمەتتٸك-ەكونوميكالىق جەنە قوعامدىق-ساياسي دامۋ جولىنداعى نەگٸزگٸ باسىمدىقتار ايقىندالۋى كەرەك. 2025 جىلعا دەيٸنگٸ ۇلتتىق دامۋ جوسپارى ٶزەكتٸلٸگٸن جوعالتتى دەپ ويلايمىن. سول سەبەپتٸ جاڭا قۇجات ەزٸرلەۋ قاجەت. وندا ەلٸمٸزدٸڭ ورتا مەرزٸمگە ارنالعان ماقسات-مٸندەتتەرٸ ناقتى بەلگٸلەنۋگە تيٸس.
بۇل قۇجات مەملەكەتٸمٸزدٸ دامىتۋعا قاتىستى بارلىق مەسەلەنٸ قامتۋى قاجەت. سايلاۋ الدىنداعى باعدارلامام دا ەسكەرٸلۋٸ كەرەك. وعان مەجٸلٸس سايلاۋىندا جەڭٸسكە جەتكەن «امانات» پارتيياسى باعدارلاماسىنىڭ نەگٸزگٸ تۇستارىن قوسقان جٶن. باسقا پارتييالاردىڭ ورىندى ۇسىنىستارىنا دا باسا مەن بەرگەن ابزال» - دەدٸ مەملەكەت باسشىسى.
