Memleket aýyldarda jyljymaly dárihanalar ashýy tiis. Bul týraly «Aýyl» halyqtyq-demokratiialyq patriottyq partiiasy ortalyq apparatynyń jetekshisi Qýanysh Seiitjanov aitty, dep habarlaidy QazAqparat.
«Aýyldarda sheshimin tappai jatqan, aýyl turǵyndaryn mazalap otyrǵan taǵy bir úlken másele - dárihana. Shaǵyn aýyldarda dárihana múldem joq bolsa, úlken aýyldarda bir-ekeýden ǵana bar. Koronavirýs indeti shyrqaý shegine jetken sáttegi qalada oryn alǵan jaitty ózderińiz de jaqsy bilesizder. Al aýyldardyń jaǵdaiy múldem múshkil boldy desek, artyq aitqanym emes. Árine, shaǵyn aýyldardyń árqaisysyna dárihana ashý biznes úshin tiimsiz shyǵar. Biraq, mundai jaǵdaida memleket iske kirisip, shaǵyn aýdandarda áleýmettik dárihanalar ashýy qajet. Mysaly Shyǵys Qazaqstan oblysynyń 1-2 aýdanynda jyljymaly dárihanalar aýyl turǵyndaryna qyzmet kórsetken eken. Nege osy tájiribeni barlyq aýylda qoldanbasqa?», - deidi Qýanysh Seiitjanov.
Sonymen qatar ol buǵan deiin tiimdiligin kórsetken kóshpeli meditsinalyq qyzmet kórsetý júiesin qaita jandandyrý qajettigin basa aitty.
«Ony jandandyrmaiynsha kúzde bolady-aý dep otyrǵan koronavirýs indetiniń ekinshi tolqyny kezinde aýyldardyń jaǵdaiy budan da qiyn jaǵdaiǵa tap bolady dep bilemiz», - deidi ol.
