مەملەكەت اۋىلداردا جىلجىمالى دەرٸحانالار اشۋى تيٸس. بۇل تۋرالى «اۋىل» حالىقتىق-دەموكراتييالىق پاتريوتتىق پارتيياسى ورتالىق اپپاراتىنىڭ جەتەكشٸسٸ قۋانىش سەيٸتجانوۆ ايتتى, دەپ حابارلايدى قازاقپارات.
«اۋىلداردا شەشٸمٸن تاپپاي جاتقان, اۋىل تۇرعىندارىن مازالاپ وتىرعان تاعى بٸر ٷلكەن مەسەلە - دەرٸحانا. شاعىن اۋىلداردا دەرٸحانا مٷلدەم جوق بولسا, ٷلكەن اۋىلداردا بٸر-ەكەۋدەن عانا بار. كوروناۆيرۋس ٸندەتٸ شىرقاۋ شەگٸنە جەتكەن سەتتەگٸ قالادا ورىن العان جايتتى ٶزدەرٸڭٸز دە جاقسى بٸلەسٸزدەر. ال اۋىلداردىڭ جاعدايى مٷلدەم مٷشكٸل بولدى دەسەك, ارتىق ايتقانىم ەمەس. ەرينە, شاعىن اۋىلداردىڭ ەرقايسىسىنا دەرٸحانا اشۋ بيزنەس ٷشٸن تيٸمسٸز شىعار. بٸراق, مۇنداي جاعدايدا مەملەكەت ٸسكە كٸرٸسٸپ, شاعىن اۋدانداردا ەلەۋمەتتٸك دەرٸحانالار اشۋى قاجەت. مىسالى شىعىس قازاقستان وبلىسىنىڭ 1-2 اۋدانىندا جىلجىمالى دەرٸحانالار اۋىل تۇرعىندارىنا قىزمەت كٶرسەتكەن ەكەن. نەگە وسى تەجٸريبەنٸ بارلىق اۋىلدا قولدانباسقا?», - دەيدٸ قۋانىش سەيٸتجانوۆ.
سونىمەن قاتار ول بۇعان دەيٸن تيٸمدٸلٸگٸن كٶرسەتكەن كٶشپەلٸ مەديتسينالىق قىزمەت كٶرسەتۋ جٷيەسٸن قايتا جانداندىرۋ قاجەتتٸگٸن باسا ايتتى.
«ونى جانداندىرمايىنشا كٷزدە بولادى-اۋ دەپ وتىرعان كوروناۆيرۋس ٸندەتٸنٸڭ ەكٸنشٸ تولقىنى كەزٸندە اۋىلداردىڭ جاعدايى بۇدان دا قيىن جاعدايعا تاپ بولادى دەپ بٸلەمٸز», - دەيدٸ ول.
