QR Premer-Ministri Asqar Maminniń tóraǵalyǵymen ótken Memlekettik komissiia otyrysynda QR Prezidenti Qasym-Jomart Toqaevtyń tapsyrmasyna sáikes Qazaqstandaǵy epidemiologiialyq ahýaldy turaqtandyrý sharalary qaraldy, – dep habarlaidy primeminister.kz.
Eldegi sanitarlyq-epidemiologiialyq jaǵdai jáne koronavirýs infektsiiasynyń taralýyna jol bermeý maqsatynda shekteý sharalaryn engizý boiynsha usynylatyn sharalar týraly densaýlyq saqtaý ministri A.Tsoi baiandady.
Qazaqstanda epidemiologiialyq ahýaldyń órshýin jáne koronavirýs infektsiiasymen syrqattanýshylyqtyń ósýin eskere otyryp, Memlekettik komissiia biylǵy 5 shildeden bastap 14 kúnge kelesi shekteý sharalaryn engizý týraly sheshim qabyldady:
Kólik qatynasy boiynsha:
1. Elder tizimin kóbeitpei, halyqaralyq áýe qatynasyn saqtaý;
2. Óńirler arasyndaǵy áýe qatynasyn, temir jol qatynasyn saqtaý (shekteýlermen);
3. Óńirler arasyndaǵy jolaýshylar avtobýsy qatynasyn ýaqytsha toqtatý;
4. Qoǵamdyq kóliktiń jumysyn ýaqyt boiynsha shekteý.
Azamattardyń júrip-turýy boiynsha:
1. Oiyn-saýyq, sport jáne basqa da buqaralyq is-sharalardy, sondai-aq otbasylyq, eske alý sharalaryn ótkizýge tyiym salý;
2. Ashyq aýada jattyǵýlar jasaýǵa ruqsat etý;
3. Turǵyndardyń kóshelerde, saiabaqtarda, skverlerde 3 adamnan artyq serýendeýin shekteý;
4. 65 jastan asqan adamdardyń syrtqa shyǵýyn shekteý.
Myna nysandardyń qyzmetine tyiym salý kerek:
Sulýlyq salondary, shashtaraz, sport zaldary, fitnes ortalyqtar, basseinder, azyq-túlik jáne azyq-túliktik emes jabyq bazarlar, jaǵajailar, akvaparkter, mádeniet nysandary, mýzeiler, kórmeler, forýmdar, konferentsiialar jáne ózge de uiymdastyrylǵan buqaralyq is-sharalar, oiyn-saýyq ortalyqtary, mektepke deiingi balalar mekemeleri (kezekshi toptardan basqa), dini nysandar jáne t.b. (SOSO-daǵy oiyn-saýyq ortalyqtary, oiyn-saýyq nysandary (karaoke, biliard, kompiýter klýbtary, boýling ortalyqtary), kinoteatrlar, balalardy saýyqtyrý lagerleri, fýdkorttar, banket zaldary).
Memlekettik organdardyń (uiymdardyń), keńselerdiń, ulttyq kompaniialardyń jáne ózge de uiymdardyń qyzmetkerleriniń keminde 80%-nyń qashyqtan jumys isteý rejimin saqtaý;
Aldyn ala jazylý boiynsha meditsina ortalyqtarynyń qyzmetin saqtaý;
Dárihanalardyń, azyq-túlik dúkenderiniń, ashyq bazarlardyń qyzmetin saqtaý;
Kúsheitilgen sanitarlyq-dezinfektsiialyq rejimdi saqtai otyryp, kelesi nysandardyń qyzmetin saqtaý:
ashyq aýada qoǵamdyq tamaqtaný nysandary;
úzdiksiz óndiristik ainalymy bar qurylys, ónerkásip kásiporyndary;
ashyq aýadaǵy qurylys jumystary; aýyl sharýashylyǵy, balyq sharýashylyǵy jáne mal sharýashylyǵy jumystary;
halyqqa qyzmet kórsetý salalary,
onyń ishinde avto jýý,
avtomobilderdi jáne turmystyq tehnikany jóndeý,
HQKO-lar,
ekinshi deńgeili bankter (ýaqyt boiynsha shekteý engizýmen).
Úkimet basshysy elimizdegi epidemiologiialyq ahýaldyń aldaǵy ýaqytta qalai ózgeretinine bailanysty atalǵan shekteý sharalary 2 aptaǵa uzartylýy nemese qatańdatylýy múmkin ekenin atap ótti.
Jańa shekteý sharalaryn talqylaýǵa ortalyq memlekettik jáne jergilikti atqarýshy organdardyń basshylary, QR Parlamenti Májilisiniń depýtattary, «Atameken» UKP tóraǵasy A.Myrzahmetov, Qazaqstan kásipkerleriniń quqyqtaryn qorǵaý jónindegi ýákiletti R. Júrsinov jáne t. b. qatysty.
