QR Memlekettik hatshysy Gúlshara Ábdiqalyqova QR-nyń Polshadaǵy elshisi Altai Ábibýllaevty jazalaý týraly usynysqa qatysty pikir bildirdi, - dep habarlaidy "Ult aqparat" kaz.tengrinews.kz portalyna silteme jasap.
"Memlekettik qyzmet, memqyzmetshiniń ádebi týraly zańbuzýshylyq. Qorytyndy sheshim qabyldanǵan soń SIM sizderge tolyqtai habarlaidy", - dedi Ábdiqalyqova Astanadaǵy halyqaralyq forýmnyń úzilisinde.
Eske salaiyq, keshe memlekettik hatshy Gúlshara Ábdiqalyqovanyń tóraǵalyǵymen Qazaqstan Respýblikasynyń Prezidenti janyndaǵy Sybailas jemqorlyqqa qarsy is-qimyl máseleleri jónindegi komissiia otyrysy ótken edi.
Otyrysta Qazaqstan Respýblikasynyń Polshadaǵy Tótenshe jáne ókiletti elshisi Altai Ábibýllaevty memlekettik qyzmet týraly zańnamany buzǵany úshin tártiptik jaýapkershilikke tartý týraly másele qaraldy. Komissiia otyrysynyń qorytyndysy boiynsha Ábibýllaevqa qyzmetke sáikestiginiń tolyq emestigi týraly eskertý túrindegi tártiptik jaza qoldaný jóninde Memleket basshysyna usynys engizýge sheshim qabyldanǵan bolatyn.
