Australian Open qarsańyndaǵy apta ishinde Melbýrnde ótetin WTA 500 jarystaryna qatysatyn Qazaqstan tennisshileri anyqtaldy. Bul týraly Qazaqstan Tennis federatsiiasynan málim etti, dep habarlaidy "Ult aqparat".
Gippsland Trophy jáne Yarra Valley Classic degen ataýǵa ie bolǵan týrnir 31 qańtar men 6 aqpan aralyǵynda ótedi. Oǵan álemdegi TOP-88-ge kiretin barlyq tennisshiler qatyspaq. Osynaý bairaqty básekede Qazaqstan atynan Elena Rybakina, Iýliia Pýtintseva, Iaroslava Shvedova jáne Zarina Diias óner kórsetpek.
QR Tennis federatsiiasynyń málimetinshe, aldaǵy ýaqytta qazaqstandyq sportshylardyń eki jarysqa qalai bólinetindigi belgili bolady. Ár týrnirdiń kestesi 64 oiynshydan turady.
