Foto: QR OAM
Y. Altynsarin atyndaǵy Ulttyq bilim akademiiasy elimizdegi barlyq mektep pedagogterine arnalǵan oqytý kýrstaryn bastady, dep habarlaidy Ult.kz.
Baǵdarlamanyń negizgi maqsaty – qatysýshylardyń bilim berý úderisinde jasandy intellektini jaýapkershilikpen paidalanýdyń qaǵidattary týraly túsinigin qalyptastyrý.
Oqytý barysynda etika men qaýipsizdik máselelerine erekshe mán beriledi: balanyń igiligine basymdyq berý, akademiialyq adaldyqty saqtaý jáne derekkózderdi belgileý, qoldanýdyń zańdylyǵy men derbes derekterdi qorǵaý, jas ereksheligin eskerý men pedagogikalyq baqylaýdy qamtamasyz etý. Sondai-aq jasandy intellektiniń shekteýleri men algoritmdik beitarap emestiginiń yqtimaldyǵyn da túsiný qajet.
Qatysýshylarǵa negizgi JI-quzyretter usynylady.
- Pedagog úshin – sabaq maqsatyna sáikes quraldardy negizdi tańdaý, alynǵan jaýaptardy syni turǵydan baǵalaý, etikalyq jáne qaýipsizdik normalaryn saqtaý, ádistemelerdi únemi jetildirip otyrý.
- Oqýshy úshin – jasandy intellektiniń tabiǵaty men shekteýlerin túsiný, usynylǵan jaýapty qabyldaý, túzetý nemese qabyldamaý qabileti, yqtimal beitarap emestikti anyqtaý, akademiialyq adaldyq qaǵidattaryn ustaný jáne pánaralyq jobalarǵa qatysý.
Oqytý materialdary resmi qujattar negizinde ázirlendi:
- - «Orta bilim berý júiesinde jasandy intellektini qoldanýdyń etikalyq standarttary»;
- - «Oqý úderisinde jasandy intellektini etikalyq qoldaný jónindegi nusqaýlyq».
Y.Altynsarin atyndaǵy Ulttyq bilim akademiiasy orta bilim berý júiesine innovatsiialyq tásilderdi engizýdi jalǵastyrýda. Akademiia muǵalimderge ádistemelik qoldaý kórsetip qana qoimai, oqýshylardyń zamanaýi tehnologiialardy jaýapty ári sanaly qoldaný mádenietin qalyptastyrýǵa yqpal etip keledi.
