QR Ǵylym jáne bilim ministri Ashat Aimaǵambetov mektepterde buqaralyq is-sharalardy ótkizýge qatysty suraqqa jaýap berdi, dep habarlaidy QazAqparat.
Jaqynda QR Bas sanitar dárigeri Erlan Qiiasov koronavirýs infektsiiasynyń «Omikron» shtamy Qazaqstan aýmaǵynda taralmaýyna arnalǵan jańa qaýly jariialady.
«Erteńgilikter men ózge de buqaralyq is-sharalar mektepterde ótkizilmeidi. Osy oraida Bas sanitar dárigeriniń sheshimi bolǵandyqtan, biz ony oryndaýǵa mindettimiz. Sondyqtan erteńgilikter men basqa da merekelik jiyndar mektepte uiymdastyrylmaidy», - dedi Aimaǵambetov Senattyń jalpy otyrysynan keiin tilshiler saýalyna jaýap bere otyryp.
Onyń aitýynsha, bir synyptyń ishinde merekeni ótkizý týraly sheshim mektep ákimshiligi deńgeiinde qabyldanady.
Sonymen qatar tilshiler «omikron» shtamynyń taralýyna bailanysty oqýshylardy qashyqtan oqytýǵa aýystyrý múmkindigi týraly surady.
«Qazirgi kezde bul jaiynda aitý erterek. Biz Vedomstvoaralyq komissiianyń sheshimi aiasynda jumys isteimiz. Qazirgi ýaqytta qorytyndy shyǵarý úshin málimetter jetkiliksiz bolyp tur», - dedi ministr.
