قر عىلىم جەنە بٸلٸم مينيسترٸ اسحات ايماعامبەتوۆ مەكتەپتەردە بۇقارالىق ٸس-شارالاردى ٶتكٸزۋگە قاتىستى سۇراققا جاۋاپ بەردٸ, دەپ حابارلايدى قازاقپارات.
جاقىندا قر باس سانيتار دەرٸگەرٸ ەرلان قيياسوۆ كوروناۆيرۋس ينفەكتسيياسىنىڭ «وميكرون» شتامى قازاقستان اۋماعىندا تارالماۋىنا ارنالعان جاڭا قاۋلى جارييالادى.
«ەرتەڭگٸلٸكتەر مەن ٶزگە دە بۇقارالىق ٸس-شارالار مەكتەپتەردە ٶتكٸزٸلمەيدٸ. وسى ورايدا باس سانيتار دەرٸگەرٸنٸڭ شەشٸمٸ بولعاندىقتان, بٸز ونى ورىنداۋعا مٸندەتتٸمٸز. سوندىقتان ەرتەڭگٸلٸكتەر مەن باسقا دا مەرەكەلٸك جيىندار مەكتەپتە ۇيىمداستىرىلمايدى», - دەدٸ ايماعامبەتوۆ سەناتتىڭ جالپى وتىرىسىنان كەيٸن تٸلشٸلەر ساۋالىنا جاۋاپ بەرە وتىرىپ.
ونىڭ ايتۋىنشا, بٸر سىنىپتىڭ ٸشٸندە مەرەكەنٸ ٶتكٸزۋ تۋرالى شەشٸم مەكتەپ ەكٸمشٸلٸگٸ دەڭگەيٸندە قابىلدانادى.
سونىمەن قاتار تٸلشٸلەر «وميكرون» شتامىنىڭ تارالۋىنا بايلانىستى وقۋشىلاردى قاشىقتان وقىتۋعا اۋىستىرۋ مٷمكٸندٸگٸ تۋرالى سۇرادى.
«قازٸرگٸ كەزدە بۇل جايىندا ايتۋ ەرتەرەك. بٸز ۆەدومستۆوارالىق كوميسسييانىڭ شەشٸمٸ اياسىندا جۇمىس ٸستەيمٸز. قازٸرگٸ ۋاقىتتا قورىتىندى شىعارۋ ٷشٸن مەلٸمەتتەر جەتكٸلٸكسٸز بولىپ تۇر», - دەدٸ مينيستر.
