Foto: inform.kz
11 qyrkúiekten bastap elimizdiń barlyq bilim berý uiymynda birinshi toqsan boiy «Aqyndar aitysy» sýyryp salma aqyndar músháirasy ótedi. Baiqaý «Tórt toqsan – tórt óner» ulttyq mádeni-aǵartýshylyq jobasy aiasynda ótkizilip jatyr, - dep habarlaidy "Ult aqparat" Oqý-aǵartý ministrliginiń baspasóz qyzmetine silteme jasap.
«Bul joba Qazaqstannyń ulttyq ónerin, mádenietin jáne murasyn qoldaý men dáripteýge arnalǵan. Qazirdiń ózinde Qazaqstan boiynsha jalpyulttyq ideiany júzege asyrý maqsatynda «Aqyndar aitysy» ashyq sabaqtary bastalyp ketti.
Baiqaýdyń maqsaty – aitysty qazaq halqynyń ulttyq qundylyǵy retinde dáripteý, baǵa jetpes mádeni muramyzdy sheshendik óner arqyly tanytý, balalardy ulttyq rýh pen otansúigishtik, óz halqyna, salt-dástúrine degen qurmet bildirýge tárbieleý, daryndy shyǵarmashyl jastardy anyqtaý» - delingen habarlamada.
Aita ketý kerek, «Aqyndar aitysy» baiqaýy mundai keń kólemde elimizde alǵash ret ótkizilip otyr. Bul aýqymdy respýblikalyq aktsiia elimizdegi barlyq bilim berý uiymdaryn biriktirýge baǵyttalǵan jáne bilim alýshylardyń qazaq halqynyń tarihy men mádenietine degen qyzyǵýshylyǵyn arttyryp, aqyndar dástúrin jalǵastyrýǵa yntalandyrady.
