Biyl mektepterde 7 jáne 9 mamyrdaǵy merekelerge orai jiyn ótkizý jospary joq, dep habarlaidy QazAqparat Bilim jáne ǵylym ministrliginiń baspasóz qyzmetine silteme jasap.
«Mektepterde 7 jáne 9 mamyrda atalyp ótetin merekeler qarsańynda patriottyq tárbie berý, soǵys ardagerleriniń jeńiske qosqan úlesi, Otanǵa degen súiispenshilik, izgilik, beibitshilik pen kelisimniń mańyzdylyǵy taqyryptarynda synyp saǵattary ótkiziledi. Mektepterde 9 mamyrǵa arnalǵan jiyn ótkizý josparlanyp otyrǵan joq» delingen habarlamada.
Sondai-aq, atalǵan vedomstvodan áskeri kiim men atribýttardy qoldanyp, teatrlandyrylǵan kórinis qoiýdyń qajet emestigi aityldy.
«Bilim berý uiymdaryna osy másele boiynsha usynystar jiberildi», - deidi baspasóz qyzmeti.
