
بيىل مەكتەپتەردە 7 جەنە 9 مامىرداعى مەرەكەلەرگە وراي جيىن ٶتكٸزۋ جوسپارى جوق, دەپ حابارلايدى قازاقپارات بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«مەكتەپتەردە 7 جەنە 9 مامىردا اتالىپ ٶتەتٸن مەرەكەلەر قارساڭىندا پاتريوتتىق تەربيە بەرۋ, سوعىس ارداگەرلەرٸنٸڭ جەڭٸسكە قوسقان ٷلەسٸ, وتانعا دەگەن سٷيٸسپەنشٸلٸك, ٸزگٸلٸك, بەيبٸتشٸلٸك پەن كەلٸسٸمنٸڭ ماڭىزدىلىعى تاقىرىپتارىندا سىنىپ ساعاتتارى ٶتكٸزٸلەدٸ. مەكتەپتەردە 9 مامىرعا ارنالعان جيىن ٶتكٸزۋ جوسپارلانىپ وتىرعان جوق» دەلٸنگەن حابارلامادا.
سونداي-اق, اتالعان ۆەدومستۆودان ەسكەري كيٸم مەن اتريبۋتتاردى قولدانىپ, تەاترلاندىرىلعان كٶرٸنٸس قويۋدىڭ قاجەت ەمەستٸگٸ ايتىلدى.
«بٸلٸم بەرۋ ۇيىمدارىنا وسى مەسەلە بويىنشا ۇسىنىستار جٸبەرٸلدٸ», - دەيدٸ باسپاسٶز قىزمەتٸ.