7 mamyr – Otan qorǵaýshylar kúni men 9 mamyr – Jeńis kúnine orai mektepterde patriottyq týraly synyp saǵattary ótedi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Mundai lineikalar elimizde onsyz da buryn uiymdastyrylmaityn. Biyl da ótkizilmeidi jáne josparlanbaidy. Barshańyzǵa belgili, bul mereke kúnderi balalar demalady. Sondyqtan, sáikesinshe balalar osy ýaqytta ata-analarymen birge úiinde bolady», - dedi Ashat Aimaǵambetov Senat otyrysynan keiin tilshilerge bergen suhbatynda.
Mereke aldyndaǵy is-sharalar jóninde ministr 7 mamyr men 9 mamyr qarsańynda patriotizm boiynsha synyp saǵattary ótetinin jetkizdi.
«Onda biz beibitshiliktiń, kelisimniń, Otanǵa degen súiispenshiliktiń mańyzdylyǵy týraly aitamyz. Bul jaǵdaida Qazaqstannyń Jeńiske qosqan úlesi týraly da aitylady. Jalpy ahýal osyndai, biyl qandai da bir tujyrymdamalyq ózgerister boldy dep aita almaimyn», - dedi Aimaǵambetov.
Sonymen birge, jaqynda Bilim ministrligi mektepterde áskeri kiim men atribýtikalar qoldanýdyń jáne teatrlandyrylǵan kórinis qoiýdyń qajeti joq degen usynym bergen edi.
