7 مامىر – وتان قورعاۋشىلار كٷنٸ مەن 9 مامىر – جەڭٸس كٷنٸنە وراي مەكتەپتەردە پاتريوتتىق تۋرالى سىنىپ ساعاتتارى ٶتەدٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«مۇنداي لينەيكالار ەلٸمٸزدە ونسىز دا بۇرىن ۇيىمداستىرىلمايتىن. بيىل دا ٶتكٸزٸلمەيدٸ جەنە جوسپارلانبايدى. بارشاڭىزعا بەلگٸلٸ, بۇل مەرەكە كٷندەرٸ بالالار دەمالادى. سوندىقتان, سەيكەسٸنشە بالالار وسى ۋاقىتتا اتا-انالارىمەن بٸرگە ٷيٸندە بولادى», - دەدٸ اسحات ايماعامبەتوۆ سەنات وتىرىسىنان كەيٸن تٸلشٸلەرگە بەرگەن سۇحباتىندا.
مەرەكە الدىنداعى ٸس-شارالار جٶنٸندە مينيستر 7 مامىر مەن 9 مامىر قارساڭىندا پاتريوتيزم بويىنشا سىنىپ ساعاتتارى ٶتەتٸنٸن جەتكٸزدٸ.
«وندا بٸز بەيبٸتشٸلٸكتٸڭ, كەلٸسٸمنٸڭ, وتانعا دەگەن سٷيٸسپەنشٸلٸكتٸڭ ماڭىزدىلىعى تۋرالى ايتامىز. بۇل جاعدايدا قازاقستاننىڭ جەڭٸسكە قوسقان ٷلەسٸ تۋرالى دا ايتىلادى. جالپى احۋال وسىنداي, بيىل قانداي دا بٸر تۇجىرىمدامالىق ٶزگەرٸستەر بولدى دەپ ايتا المايمىن», - دەدٸ ايماعامبەتوۆ.
سونىمەن بٸرگە, جاقىندا بٸلٸم مينيسترلٸگٸ مەكتەپتەردە ەسكەري كيٸم مەن اتريبۋتيكالار قولدانۋدىڭ جەنە تەاترلاندىرىلعان كٶرٸنٸس قويۋدىڭ قاجەتٸ جوق دەگەن ۇسىنىم بەرگەن ەدٸ.
