Biyl barlyq mektep jyly ájethanalarmen qamtamasyz etiledi. Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«Balalardyń qaýipsizdigi óte mańyzdy. Barsha óńirde mektepter beinebaqylaý júiesimen 100 paiyz qamtylǵan. Biraq onyń ishinde tek 55 paiyzy standart talaptaryna sáikes keledi. Mektepterdiń 99,8 paiyzy jyly ájethanalarmen qamtamasyz etilgen. Osy jyldyń sońyna deiin barlyq óńirler osy kórsetkishti 100 paiyzǵa deiin jetkizýi kerek», - dedi Aimaǵambetov.
