Zhas Project jobasy memlekettik jastar saiasatynyń qajettilikterin qanaǵattandyryp qana qoimai, onyń damýyna, jastarmen jumys isteýde jáne tásilder men sharalardyń paida bolýyna yqpal etti. Bul pikirdi QR Bilim jáne ǵylym vitse-ministri Qýanysh Erǵaliev aityp berdi, dep habarlaidy QazAqparat.
Aita keteiik, Qazaqstanda jastar korpýsyn damytý jobasyn Bilim jáne ǵylym ministrligi 2016 jyldan beri júzege asyrady. Jobanyń basty maqsaty – osal jastardy damytý jáne olarǵa qoldaý kórsetý edi. Búgin elordada «Jastar korpýsyn damytý jobasyn júzege asyrý qorytyndylary» atty dóńgelek ústel ótip jatyr.
«Osy 5 jyl ishinde Zhas Project bizdiń elimizde naǵyz brendke ainaldy jáne bul kezdeisoq emes dep oilaimyn. Bul joba ómirlik mańyzdy daǵdylardy meńgergen jastarǵa ǵana áser etip qoiǵan joq. Bul jastar ózderiniń áleýmettik jobalaryn júzege asyrýdy úirendi, bul tutas qoǵamymyzǵa oń yqpalyn tigizedi. Atalǵan jobaǵa 10 myńǵa jýyq jastarymyz qatysty jáne 9 myńy oqýdy tabysty aiaqtady. 4 jyl ishinde eki myńnan astam áleýmettik joba júzege asyryldy, onyń 20 paiyzy aýyldyq jerlerde, 20 paiyzy bilim berý maqsatynda boldy. Jobalardyń 10 paiyzy mádenietti damytýǵa baǵyttalsa, keibiri – áleýmettik salaǵa arnaldy. Sonymen birge aýyldyq jerlerde óte mańyzdy tildik kýrstar, kompiýterlik klýbtar iske qosyldy, et jáne sút óndirisi, tamaq ónerkásibi quryldy, sulýlyq salondary, tigin salondary da ashyldy, munyń bári jastarǵa óz jobalaryn júzege asyrýǵa jáne biznesin jalǵastyrýǵa múmkindik berdi», - dedi vitse-ministr.
Sondai-aq, bul jobalar qoǵamdastyq úshin, jergilikti jerlerde jumys isteitin memlekettik organdar úshin de paidaly boldy.
«Zhas Project memlekettiń keibir strategiialyq mindetterin sheshý úshin birneshe tapsyrmalardy iske asyrdy. Olar jastardy jáne olardyń volonterlik qyzmetke qatysýyn damytýǵa, qoǵamdastyqtyń ómiri úshin jaýapkershilikke jáne mektepti aiaqtap, mamandyq tańdaý kezinde durys sheshim qabyldaýdy úiretýge baǵyttaldy. Atap aitqanda, joba barysynda NEET sanatyndaǵy jastarmen jumys jónindegi nusqaýlyqtar, jastardy damytý indeksi, volonterlik qyzmetti damytý strategiiasy, kásiptik baǵdarlaý júiesin damytý jónindegi ádistemelik usynymdar jáne basqa da qujattar ázirlengen bolatyn.
Biyl biz jalpy bilim beretin mektepterdiń oqý baǵdarlamalaryna ómirlik mańyzy bar daǵdylardy úiretý kýrstaryn engizip jatyrmyz. Osy oraida joba aiasynda ázirlengen daǵdylar baǵdarlamasyn qarastyrýdamyz. Osy jyldar ishinde joba memlekettik jastar saiasatynyń qajettilikterin qanaǵattandyryp qana qoimai, onyń damýyna, jastarmen jumys isteýde jáne tásilder men sharalardyń paida bolýyna yqpal etti dep aita alamyz», - dedi Qýanysh Erǵaliev.
