Aqtóbe qalasyndaǵy №51 mektep-gimnaziiasynyń elektrondy poshtasyna bilim ordasynda jarylǵysh zat bar ekeni týraly habarlama tústi. Politsiia 600-den astam adamdy evakýatsiialady, dep habarlaidy "Ult aqparat".
«Barlyq shuǵyl qyzmet dereý oqiǵa ornyna shyqty. Oqýshylardy, oqytýshylar quramy men ózge de qyzmetkerler evakýatsiialandy. Barlyǵy 600-den astam adam qaýipsiz jerge kóshirildi. Arnaiy bólimshe saperleri ǵimarattaǵy jarylǵysh qurylǵylardy anyqtaý úshin tekserý júrgizdi», - dep habarlady oblystyq PD baspasóz qyzmetiniń jetekshisi Erbolat Sarqulov.
Jarylǵysh qurylǵy tabylǵan joq.
Atalǵan fakti boiynsha sotqa deiingi tergeý bastaldy.
Politsiia departamenti kúdiktini anyqtaý jáne ustaýǵa baǵyttalǵan jedel is-sharany jalǵastyryp jatyr.
