Qazaqstan halqy Assambleiasy «Mektepke jol» respýblikalyq aktsiiasy aiasynda az qamtylǵan jáne kóp balaly otbasynan shyqqan, sondai-aq ata-ananyń qamqorlyǵynan airylǵan oqýshylarǵa 200 mln. teńge kóleminde qaiyrymdylyq kómek kórsetti.
Bul týraly Qazaqstan halqy Assambleiasynyń resmi saitynda habarlandy.
Qazaqstan Halqy Assambleiasynyń óńirlik filialdary arqyly jyl saiyn jan-jaqty qoldaý uiymdastyrylyp, áleýmettik jaǵdai tómen otbasyndaǵy balalarǵa qol ushyn sozýdy igi dástúrge ainaldyryp keledi. Tamyljyǵan tamyzdan bastalyp, qyrkúiek aiynyń sońyna deiin jalǵasatyn biylǵy naýqanǵa da bir kisidei jumyla kirisip, eldik pen keńdiktiń úlgisin kórsetip otyr.
Jańa oqý jyly qarsańynda jaqsylyq jasap jarysqandar arasynda Almaty qalasy kósh bastap otyr. 23 tamyzda «Dostyq» úiinde uiymdastyrylǵan qaiyrymdylyq shara barysynda Qazaqstan halqy Assambleiasy tóraǵasynyń orynbasary Janseiit Túimebaev pen «Ahyska» túrik etnomádeni birlestiginiń tóraǵasy Ziiatdin Kasanov 100 balaǵa keńse taýarlary men kiim-keshek syilap, 2,7 mln teńgege túski as uiymdastyryldy.
Bul igi isti birden «Qazaqstan uiǵyrlary respýblikalyq etnomádeni ortalyǵy» ilip áketip, qaiyrymdylyqtyń jarqyn úlgisin tanytty. 78 mln. teńge túrli qajettilikterge jumsalyp, urpaq bolashaǵy úshin airyqsha belsendilik tanytty.
Máselen, 1300 balaǵa oqý qural-jabdyǵy men mektep formasy alynyp, kásipker Mizangúl Avamisimova Almaty oblysyndaǵy J. Bosakov atyndaǵy mektepti parta, oryndyqpen tegis qamtamasyz etti. Jahanger Muratova oblys kólemindegi 107 jetkinshekti mektepke daiyndasa, Qazaqstan uiǵyrlary respýblikalyq etnomádeni ortalyǵynyń Almaty qalasyndaǵy filialy «Nur Otan» partiiasymen birlesip 600 oqýshyǵa qalam-qaǵaz, 200 balaǵa mektep formasyn syiǵa tartty.
«Mitsva» evrei ulttyq uiymdarynyń qaýymdastyǵy 22 balaǵa 248 myńǵa, «Filiia» Qazaqstandaǵy grek qoǵamdarynyń qaýymdastyǵy 10 balaǵa 60 000 teńgege, «Nairi» armian mádeni ortalyqtarynyń qaýymdastyǵy 100 myń teńgege demeýshilik jasady. Almaty qalasyndaǵy etnomádeni birlestikter kórsetken qaiyrymdylyq kómektiń jalpy somasy 81 mln. teńgeni qurady.
Túrkistan oblysyndaǵy etnomádeni birlestikterdiń qosqan úlesi de qomaqty. Ońtústik óńirdegi etnos ókilderi 2 myńnan atsam balaǵa 30,5 mln teńgege mektepke daiarlyq jumystaryn uiymdastyrsa, Qostanai oblysynda 3 myńǵa jýyq balaǵa jumsaǵan qarajat 28,5 mln teńgege jetti.
Qaraǵandy oblysy boiynsha etnomádeni birlestikter, Analar keńesi, Qaiyrymgerler men metsenattar klýbynyń ókilderi birigip 713 balaǵa 18,2 mln teńgege jomarttyq jasady. Sonyń ishinde qaiyrymgerler men tálimgerler klýbynyń ókili jáne «Jomart júrek» tósbelgisiniń iegeri Sáýle Shaýenovanyń jetekshiligimen Jezqazǵandaǵy «Utaria LTD» kompaniiasy erekshe belsendilik tanytqanyn aita ketý qajet. 67 kópbalaly otbasyna 6 mln. teńgege demeýshilik jasap, ár balaǵa 25 000 teńgeden teńdei bólip berdi. Sátbaev qalasynda tigin jáne toqyma sheberhanasynyń sharýasyn dóńgeletip otyrǵan kásipker, kópbalaly ana Alena Eberman bolsa 300 000 teńgeniń mektep formasyn 30 balaǵa tegin usyndy.
Jambyl oblysynyń da aiaq alysy jaman emes. 928 oqýshyǵa 8,1 mln teńge jumsap, izgiliktiń úzdik kórinisin baiqatty. Sonyń ishinde qalalyq, oblystyq ózbek etnomádeni birlestikteri, oblystyq «Nemister qoǵamy», «Barbang» kúrdter etnomádeni birlestigi, «Vynhýa» dúngender qoǵamdyq birlestigi, «Ahyska» etnomádeni birlestigi, «Polonez poliak tili men mádenieti ortalyǵy» qoǵamdyq birlestigi men «Shivat-tsion» evrei etnomádeni birlestigi, Mahmýd Qashqari atyndaǵy uiǵyr etnomádeni birlestigi, Qarashai-balqarlar etnomádeni birlestigi qaiyrymdylyq sharasyna airyqsha atsalysty.
Almaty oblysy 8,2 mln teńgege, Nur-Sultan qalasyndaǵy 20 etnomádeni birlestik 52 balaǵa 7 mln teńgege, Mańǵystaý oblysy 1,5 myń balaǵa 7, 5 mln teńgege, Shyǵys Qazaqstan oblysy 350 balaǵa 5, 5 mln teńgege, Shymkent qalasyndaǵy etnomádeni birlestikter 140 balaǵa 5 mln teńgege, Pavlodar oblysy 1000 oqýshyǵa 5 mln teńgege aýqymdy kómek uiymdastyrdy.
Batys Qazaqstan oblysyna keler bolsaq, 157 ul-qyzǵa 1,5 mln teńgeden astam kómek kórsetildi. Jumsalǵan qarajattyń negizgi bóligin – 1 mln teńgeden astamyn «Mirzoian» armian etnomádeni qoǵamdyq birlestiginiń tóraǵasy, qalalyq máslihattyń depýtaty Avetik Amirhanian óz qaltasynan shyǵardy. Ol áleýmettik az qamtylǵan januialarda tárbielenip jatqan 100-den astam balaǵa mektep formasy men oqý quraldaryn tabystady. Sondai-aq, «Birlik» ázirbaijan mádeni-aǵartýshylyq qoǵamynyń tóraǵasy Nadjav Mamedov kómekti asa qajet etetin 17 mektep oqýshysyna 280 myń teńgege sporttyq kiimder men aiaq kiimder, mektep quraldaryn syiǵa tartty. Osy aktsiia barysynda «Iýniserv» JShS basshysy, oblystyq máslihat depýtaty, oblystyq Qoǵamdyq kelisim keńesiniń múshesi N. Satbaev 40-tan astam oqýshyǵa 300 myń teńgege mektep quraldaryn jetkizdi.
Ózge oblystaǵy etnos ókilderi de shama-sharqyna qarai úles qosyp, qatardan qalmaýǵa tyrysty. Aqtóbe qalasynda QHA ǵimaratynda «Qoǵamdyq kelisim» KMM, Aqtóbe oblysy janyndaǵy Analar Keńesi, «Jańǵyrý joly» jastar qozǵalysynyń oblystyq shtaby, «Ázirbaijan Qaýymdastyǵynyń» oblystyq filialy, «Shalom» evreiler etnomádeni birlestigi, «Oksana» ýkrainderdiń ulttyq-mádeni ortalyǵy, «Uiǵyrlar Qaýymdastyǵy» Aqtóbe oblysyndaǵy filialy 200 myń qarajat kóleminde 10 balaǵa mektepke qajetti quraldar men kiim-keshek tartý etti. Atyraý oblysy QHA etnomədeni birlestikteri «Tulpar» saýyqtyrý kesheninde demalǵan Arys qalasynan kelgen 47 balanyń qolyna sómkeler ustatyp, airyqsha qýantty. Arnaiy kontserttik baǵdarlama uiymdastyryp, tətti syilyqtar úlestirildi. Jumsalǵan qarajattyń jalpy sommasy – 500 myń teńge.
Sonymen qatar, Soltústik Qazaqstan oblysy 18 balaǵa 680 myń, Qyzylorda oblystyq Qazaqstan halqy assambleiasynyń uiymdastyrýymen 80 balaǵa jalpy sommasy 800 000 teńge shamasynda tartý-taralǵy ulestirdi.
Qoryta aitqanda, Qazaqstan halqy Assambleiasy búgingi tańda «Mektepke jol» aktsiiasy aiasynda 10 myń oqýshyǵa 200 mln teńge kóleminde kómek kórsetip úlgerdi. Qaiyrymdylyq sharasy qyrkúiek aiynyń sońyna deiin jalǵaspaq.
.jpeg)