Úshtildi meńgertýdiń basty maqsaty – til úirenýshilerdiń kommýnikativtik quzyrlyǵyn qalyptastyrý.
Til – qandai tilde sóilemesin adam úshin qudiret, bailyq, halyq mádenieti, tarihy. Til úirený arqyly adam ózge ulttyń mádenietin, tarihyn, salt-dástúri men ádet-ǵurpyn tanyp biledi.
Qoǵamda bolyp jatqan áleýmettik ekonomikalyq ózgerister men elimizdiń bilim berý salasynyń álemdik bilim keńistigine shyǵýy – bilim berý salasynda, sonyń ishinde mektepke deiingi tárbieleý men oqytýǵa zaman talabyna sai ózgeris engizilip otyr. Qazirgi ýaqytta elimizidiń negizgi strategiialyq mindetteriniń biri mektepke deiingi mekemelerde bilim berý júiesin qaita qurý jáne damytý bolyp tabylady. Mektepke deiingi tárbie men oqytý mekemesi úzdiksiz bilim berýdiń alǵashqy deńgeii. Sondyqtan da Mektepke deiingi tárbie men oqytýdyń negizgi maqsaty balanyń jeke erekshelikterin, qabiletin, daryny men talantyn ashýǵa jáne jan-jaqty damytýǵa baǵyttalǵan.
Elbasy N.Á.Nazarbaevtyń Qazaqstan halqyna Joldaýynda «Balalarymyzdyń bolashaǵy úshin osyndai sheshimdi birlese otyryp qabyldaýǵa tiispiz, balanyń orys aǵylshyn tilderin, internet tilin jetik meńgerýi – eń bastysy qazaq tilin jańǵyrtýǵa jaǵdai týǵyzady», - dep atap kórsetken baǵyty negizinde mektepke deiingi uiymda úsh tildi qatar oqytý qolǵa alyndy.
Mektepke deiingi balalar jasynda shet tilin úirený – qatynas quzyrettiligine negiz qalaý. Dál osy jasta, iaǵni 3-6 jas aralyǵynda balanyń jeke tulǵa retinde qalyptasady, sonymen qatar olardyń qabileti damyp, aiqyndala túsedi. Bala tilderdi neǵurlym erte bastan meńgere bastasa, soǵurlym óziniń ana tilimen teń túrde qabyldaýlary jeńil bolady, sebebi árdaiym shet tilderindegi sózderdi óz ana tilimen salystyra otyryp júrgizedi.
Mektepke deiingi mekemelerde memlekettik tildi úirenýmen qatar shet tilderin úirenýlerine barlyq jaǵdai jasalynyp otyr. Mektepke deiingi mekemelerde úshtildilikti úiretý kishi toptan bastalady. Tildi damytý júiesi keshendi júrgiziledi, sondyqtan balanyń sanasynda adamzat tilderiniń ár alýandyǵy týraly túsinikti jáne olarǵa degen qurmet sezimin durys qalyptastyrý kerek.
Mektepke deiingi bilim berýge úshtildilikti engizý, munyń arqasynda, tilderdi meńgerýdiń logikalyq júiesin jasai alamyz. Iaǵni, balabaqshada shet tilmen tanyssa, mektepterde onyń negizin meńgerip, joǵarǵy oqý oryndarynda mamandyqtaryna sáikes kásiptik tildi oqityn bolady.
