2022 jyldyń 1 qańtarynan bastap Prezident Q. K. Toqaevtyń tapsyrmasy boiynsha balabaqsha tárbieshileriniń, mektepter men kolledjderdiń, sondai-aq qosymsha bilim berý júiesi pedagogteriniń jalaqysy taǵy 25%-ǵa ulǵaidy, dep habarlaidy Bilim jáne ǵylym ministrliginiń baspasóz qyzmeti.
Esterińizge sala ketsek, Memleket basshysynyń tikelei tapsyrmasymen pedagogterdiń jalaqysy 2020 jyldyń qańtarynda 25%-ǵa jáne 2021 jyldyń qańtarynda taǵy 25%-ǵa ósken bolatyn. Osylaisha, muǵalimderdiń jalaqysy eki ese ulǵaiady.
«Biz muǵalimderdiń jalaqysyn kóterýdiń sózsiz oń áserin kórip otyrmyz. Bizdiń kásibimizge – pedagog kásibine qazirgi tańda úzdikter keledi. Pedagogikalyq mamandyqqa túsetinderdiń UBT ortasha baly aitarlyqtai ósti jáne «Altyn belgi» iegerleriniń sany birneshe esege kóbeidi. Muǵalimderdiń eńbekaqysyn arttyrý el bolashaǵyna úlken investitsiia bolyp tabylady. Biylǵy jyldyń qańtar aiynan bastap Prezident Q.K. Toqaev tapsyrǵandai, barlyq pedagogter joǵarylanǵan jalaqy alatyn bolady. Sonymen qatar, jalaqymen birge muǵalimder alatyn qosymsha tólemder de artady. Bul – biliktilik sanaty úshin (laýazymdyq jalaqynyń 30%-nan 50%-na deiin), magistr dárejesi úshin, aǵylshyn tilinde pánderdi júrgizgeni, dápterler teksergeni, synyp jetekshiligi jáne tálimgerlik úshin tólenetin ústemeaqylar», – dep atap ótti birinshi vitse-ministr Sholpan Karinova.
Aita keteiik, pedagogterdiń jalaqysy oqý júktemesine, bilim deńgeiine, biliktiliginiń, jumys ótiliniń, magistr dárejesiniń bolýyna jáne basqa da qosymsha aqylarǵa bailanysty esepteledi.
Esterińizge sala ketsek, 2021 jyly magistrlik dáreje úshin ústemaqy alýshylar sheńberi keńeitildi. Atap aitqanda, ádistemelik kabinetterdiń ádiskerlerine magistr dárejesi úshin qosymsha aqy belgilendi. Sondai-aq, dene shynyqtyrý muǵalimderine sabaqtan tys ýaqytta qosymsha sport sektsiialaryn ótkizgeni úshin tólemder qarastyrylǵan.
Sonymen qatar, osy jyldyń 1 qańtarynan bastap Memleket basshysynyń tapsyrmasyn oryndaý aiasynda kitaphanashylar, býhgalterler, zerthanashylar jáne bilim berý uiymdarynyń basqa da qyzmetkerleriniń jalaqysy ósti. 2022 jyldyń qańtar aiynda olardyń jalaqysy orta eseppen alǵanda 20%-ǵa artady jáne ary qarai jyl saiyn Prezident joldaýy sheńberinde ósip otyratyn bolady.
