QR Bilim jáne ǵylym ministrligi mektep oqýlyqtarynyń salmaǵyna qoiylatyn talaptarǵa qatysty túsinikteme berdi, dep habarlaidy QazAqparat.
«QR Ulttyq ekonomika ministriniń 2015 jylǵy 19 tamyzda №611 buiryǵymen bekitilgen oqý basylymdarynyń gigienalyq normalarynda (gigienalyq normativter) bir oqý basylymynyń salmaǵyna, oqý basylymyn daiyndaý úshin qoldanylatyn materialǵa, oqý basylymynyń basylýy men túptelýine, basylymnyń mátindik aqparattarynyń bezendirilýine talaptar aiqyndalǵan», - dep atap ótti ministrlik redaktsiianyń resmi saýalyna bergen jaýabynda.
Vedomstvo baspasóz qyzmetiniń túsindirýinshe, gigienalyq normativter túzetý bilim berý uiymdarynda oqityn estý, sóileý jáne kórý qabiletteri zaqymdalǵan balalarǵa arnalǵan oqý basylymdarynda, sonymen qatar qosymsha bilim berýge arnalǵan oqý basylymdarynda qoldanylmaidy.
«Atalǵan gigienalyq normativterde mektep sómkesiniń barynsha ruqsat etiletin salmaǵy aiqyndalmaǵan. Soǵan sáikes mektep sómkeleriniń barynsha ruqsat etilgen salmaqtyń artý derekteri resmi tirkelgen joq», - dedi Bilim jáne ǵylym ministrliginiń baspasóz qyzmetinen.
Aita keteiik, ministrlik memlekettik bilim berý uiymdarynyń oqýshylary men tárbielenýshilerin oqýlyqtarmen jáne oqý-ádistemelik keshenderimen qamtamasyz etýdiń erejesine (QR Bilim jáne ǵylym ministriniń 2016 jylǵy 28 qańtardaǵy №91 buiryǵy) sáikes 2018 jyldan bastap oqýlyqtyń elektrondy nusqasyn qosa usynatyn bolady.
