Sýret: Freepik.com
Qazaqstanda oqýshylar arasynda esirtkige skrining engizý máselesi talqylanyp jatyr. IIM esirtki qylmysyna qarsy is-qimyl departamenti bastyǵynyń orynbasary Baqytjan Ámirhanov oqýshylardy esirtkige testileý 2024 jyldyń birinshi jarty jyldyǵynda bastalýy múmkin ekenin aitty, - dep habarlaidy Tengrinews.kz saity.
Qazaqstanda nashaqorlyqqa jáne esirtki biznesine qarsy kúrestiń 2023-2025 jyldarǵa arnalǵan keshendi josparynda kámeletke tolmaǵan qazaqstandyqtardy esirtkige testileý máselesi de bar.
"Zańnamalyq negiz pysyqtalyp jatyr, ol 2024 jyly daiyn bolady. (...) Bul másele ár adamǵa qatysty bolǵandyqtan, zańnamalyq turǵydan pysyqtaý óte mańyzdy. Oǵan qosa, mektep oqýshylaryna qatysty bolǵan soń, óte kúrdeli másele. Osydan 10 jyl buryn, 2012 jyly mektep oqýshylaryn testileý máselesi kóterilip, kóptegen ata-ana qarsy boldy. Búginde barlyq ata-ana kelisip otyr. Baqylap otyrý múmkin bolmaǵandyqtan, dárihana dárilerine táýeldilik bar bolǵandyqtan, kóptegen adam tekseris júrgizilgenin qalaidy", - dedi Baqytjan Ámirhanov OKQ brifinginde.
Baqytjan Ámirhanovtyń aitýynsha, mektep oqýshylaryn esirtkige testileý májbúrli túrde júrgizilmeidi.
"Barlyǵy josparly túrde bolady. Densaýlyǵyn tekseremiz, barlyq taldaýdan, meditsinalyq komissiiadan ótkizemiz jáne qajet qujattardy jasaimyz. Sodan keiin josparly túrde bolady. Meditsinalyq tekseriske deiin psihologpen test bolady. Onda adamnyń qoldanatynyn nemese qoldanbaitynyn anyqtaýǵa kómektesetin arnaiy suraqtar qoiylady", - dep túsindirdi departament basshysynyń orynbasary.
Densaýlyq saqtaý ministrligi Meditsinalyq kómekti uiymdastyrý departamenti direktorynyń orynbasary Gúlnar Sársenovanyń málimetinshe, qarjylandyrý, shyǵyn jáne satyp alý máseleleri tiisti zań jobasy qabyldanǵannan keiin zańnamalyq deńgeide sheshiledi.
"Sodan keiin skrining júrgizý týraly sheshim qabyldanady. Ázirge áli de jumystar júrgizilip jatyr", - dedi ol.
Densaýlyq saqtaý ministrliginiń derekterine sáikes, Qazaqstanda esirtkige táýeldi 18 200 adam esepte tur. Onyń 1500-i - áiel, 100-ge jýyǵy - kámeletke tolmaǵandar. Baqytjan Ámirhanovtyń aitýynsha, naqty derekter resmi statistikadan birneshe ese, tipti 5-6 ese kóp bolýy múmkin.
Eske salaiyq, mamyrda Ishki ister ministrligi tujyrymdamasynyń jobasy "Ashyq NQA" portalynda jariia talqylaý úshin jariialanǵan edi.
Qujatqa sáikes, Qazaqstanda 14-18 jas aralyǵyndaǵy oqýshylar arasynda alkogol jáne esirtki boiynsha Eýropalyq mektep zertteýler jobasynyń (ESPAD) ádisnamasymen jylyna keminde bir ret psihoaktiv zattardy qoldanýdyń taralýyn baǵalaý boiynsha turaqty monitoring rásimin engizý josparda bar.
