QR Bilim jáne ǵylym vitse-ministri Miras Dáýlenov ekinshi toqsanda oqýshylardyń qalai oqityny týraly suraqqa jaýap berdi, dep habarlaidy "Ult aqparat".
Onyń aitýynsha, QR Densaýlyq saqtaý ministrligi ár óńirdegi sanitarlyq-epidemiologiialyq ahýal boiynsha jeke-jeke sheshim qabyldaidy.
«Bilim uiymdaryna kelsek, biz barlyq oqytý formasyna daiynbyz. Al qyzyl jáne sary aimaqtaǵy óńirlerge kelsek, olar boiynsha Vedomstvoaralyq komissiia sheshim qabyldaidy. Jaǵdai kún saiyn ózgerip otyr. Ózge elderde koronavirýs infektsiiasynyń qalai óskenin kórip otyrsyzdar. Munda óńirdiń epidemiialyq oshaqqa qanshalyqty jaqyn ornalasqany eskeriletin bolady. Jaqyn arada bul másele boiynsha sheshim qabyldanyp, BAQ pen jurtshylyqqa habarlanaryna senimdimin», - deidi vitse-ministr.
QR BǴM habarlaýynsha, 1-5 synyp oqýshylary ata-ana qalaýymen kezekshi synyptarda oqi alady. Al mektepter 300 balaǵa deiin dástúrli formatta oqyta alady.
