Úkimettiń búgingi otyrysynda QR Densaýlyq saqtaý jáne áleýmettik damý ministri Tamara Dúisenova mektep meditsinasyn quziretti organ – densaýlyq jáne áleýmettik damý ministrligine aýystyrýdy kózdeitin zań jobasyn tanystyrdy. Búginde atalǵan júie bilim jáne ǵylym ministrligine qaraidy. Ministrdiń aitýynsha, 2018 jyldan bastap memleket balalar úshin tiisti jarnalardy mindetti áleýmettik meditsinalyq saqtandyrý qoryna tóleitin bolady. Sondyqtan mektep meditsinasyn quziretti ministrliktiń qaraýyna aýystyrý qajet, dep habarlaidy Ult.kz tilshisi Baq.kz portalyna silteme jasap.
«Balalar qoldanatyn barlyq meditsinalyq qyzmetterdiń aqysy arnaiy qordan tólenedi. Qazirgi kezde atalǵan jumys bilim berý júiesi esebinen júrgiziledi. Mektep meditsinasyn quziretti mekemege aýystyrý aiasynda birqatar qurylymdyq ózgerister bolady. Atap aitqanda, barlyq meditsinalyq bólimsheler jergilikti poliklinikalarǵa qaraidy. Sol jerde isteitin qyzmetkerler shtatqa aýystyrylady», - deidi T.Dúisenova.
Ministrdiń sózine qaraǵanda, barlyq profilaktikalyq tekseristerdi poliklinika qyzmetkerleri ótkizedi. Sol kezde mektep oqýshylary temeki, alkogol men esirtki zattaryn paidalaný boiynsha arnaiy testterdi tapsyrady.
Úkimet músheleri atalǵan zań jobasyn biraýyzdan maquldady. Atalǵan qujattyń aiasynda mindetti áleýmettik meditsinalyq saqtandyrýdy taǵy jarty jylǵa shegerý kózdelgen.
.jpeg)