Mektep kitaphanasyna eń kóp satyp alynǵan kitaptar qatarynda Muhtar Áýezovtyń «Abai joly» men Baýyrjan Momyshulynyń «Ushqan uia» romany tur. Bul týraly Bilim berý mazmunyn saraptaý respýblikalyq ǵylymi-praktikalyq ortalyǵynyń direktory Eldos Nurlanov aitty, dep habarlaidy QazAqparat.
«Búgingi tańda mektep kitaphanalary qorynyń tolyǵýyn kórip otyrmyz. Onyń 89 paiyzyn kórkem ádebiet qurasa, qalǵan 11 paiyzyn derekti, fantastikalyq jáne basqa da týyndylar quraǵan. Olardyń úles salmaǵyn alyp qaraityn bolsaq, negizinen bastaýysh synyptarǵa, odan keiin negizgi orta synyptarǵa, sodan soń joǵary synyptarǵa tiesili», - dedi ortalyq basshysy Oqý-aǵartý ministrliginiń apparat jinalysynda.
Onyń dereginshe, mektep kitaphanalarynyń kitap qory 2 million danadan astam kitappen tolyqqan.
«Satyp alynǵan kórkem ádebietterdiń ishinde eń tanymaly qaisysy deitin bolsaq, onda «Abai joly» birinshi orynda turǵanyn kóremiz. Ekinshi orynda Baýyrjan Momyshulynyń «Ushqan uia» shyǵarmasy, odan keiin Abaidyń qara sózderi turǵanyn kóremiz. Álem ádebietin alyp qarasaq, Mark Tvenniń «Geklberri Finniń bastan keshkenderi», odan keiin Paýlo Koelonyń «Alhimik» shyǵarmasy tur», - dedi Eldos Nurlanov.
