مەكتەپ كٸتاپحاناسىنا ەڭ كٶپ ساتىپ الىنعان كٸتاپتار قاتارىندا مۇحتار ەۋەزوۆتىڭ «اباي جولى» مەن باۋىرجان مومىشۇلىنىڭ «ۇشقان ۇيا» رومانى تۇر. بۇل تۋرالى بٸلٸم بەرۋ مازمۇنىن ساراپتاۋ رەسپۋبليكالىق عىلىمي-پراكتيكالىق ورتالىعىنىڭ ديرەكتورى ەلدوس نۇرلانوۆ ايتتى, دەپ حابارلايدى قازاقپارات.
«بٷگٸنگٸ تاڭدا مەكتەپ كٸتاپحانالارى قورىنىڭ تولىعۋىن كٶرٸپ وتىرمىز. ونىڭ 89 پايىزىن كٶركەم ەدەبيەت قۇراسا, قالعان 11 پايىزىن دەرەكتٸ, فانتاستيكالىق جەنە باسقا دا تۋىندىلار قۇراعان. ولاردىڭ ٷلەس سالماعىن الىپ قارايتىن بولساق, نەگٸزٸنەن باستاۋىش سىنىپتارعا, ودان كەيٸن نەگٸزگٸ ورتا سىنىپتارعا, سودان سوڭ جوعارى سىنىپتارعا تيەسٸلٸ», - دەدٸ ورتالىق باسشىسى وقۋ-اعارتۋ مينيسترلٸگٸنٸڭ اپپارات جينالىسىندا.
ونىڭ دەرەگٸنشە, مەكتەپ كٸتاپحانالارىنىڭ كٸتاپ قورى 2 ميلليون دانادان استام كٸتاپپەن تولىققان.
«ساتىپ الىنعان كٶركەم ەدەبيەتتەردٸڭ ٸشٸندە ەڭ تانىمالى قايسىسى دەيتٸن بولساق, وندا «اباي جولى» بٸرٸنشٸ ورىندا تۇرعانىن كٶرەمٸز. ەكٸنشٸ ورىندا باۋىرجان مومىشۇلىنىڭ «ۇشقان ۇيا» شىعارماسى, ودان كەيٸن ابايدىڭ قارا سٶزدەرٸ تۇرعانىن كٶرەمٸز. ەلەم ەدەبيەتٸن الىپ قاراساق, مارك تۆەننٸڭ «گەكلبەرري فيننٸڭ باستان كەشكەندەرٸ», ودان كەيٸن پاۋلو كوەلونىڭ «الحيميك» شىعارماسى تۇر», - دەدٸ ەلدوس نۇرلانوۆ.
