Shymkent–Badam tas jolynda bolǵan jantúrshigerlik jol apatynan úsh adam kóz jumdy. Qaiǵyly oqiǵada 44 jastaǵy áiel, onyń 17 jastaǵy qyzy jáne 11 jastaǵy jieni qaza bolǵan, dep habarlaidy ult.kz.
Týystarynyń aitýynsha, marqumdar Arystan Shymkentke mektepke qajetti kiim-keshek pen oqý quraldaryn satyp alý úshin jolǵa shyqqan. Alaida olar dittegen jerine jete almai, jol-kólik oqiǵasyna tap bolǵan.
Qaza tapqandardyń jaqyndary apattyń qalai bolǵanyna qatysty birqatar suraq bar ekenin aityp otyr. Olardyń sózinshe, jol apatyna júk kóligi qatysqan. Týystary júk kóligi joǵary jyldamdyqpen kele jatqan bolýy múmkin ekenin alǵa tartty.
Sondai-aq marqumdardyń jaqyndary júk kóliginiń júrgizýshisi tejegishke qatysty ártúrli jaýap bergenin aityp, jol apatynyń naqty sebebin anyqtaýdy surap otyr.
Qazir oqiǵanyń mán-jaiy anyqtalyp jatyr. Jol-kólik oqiǵasyna qatysty tergeý júrgizilip, apattyń naqty sebepteri men oǵan kimniń kináli ekeni tiisti organdardyń qorytyndysynan keiin belgili bolady.
Qaiǵyly oqiǵa qaza tapqandardyń otbasyna aýyr qaiǵy ákeldi. Marqumdardyń týystary tergeýdiń ádil ári jan-jaqty júrgizilýin kútetinin jetkizdi.
