Qazaqstandyq oqýshylar úshin mektep formasynyń nusqalaryn keńeitý josparlanyp otyr, dep habarlaidy Oqý-aǵartý ministrliginiń baspasóz qyzmeti.
"Oqýshylarǵa pidjak, jilet, shalbar, iýbka jáne jeideden turatyn qazirgi mektep formasyn pidjak pen jaketti túimeleri bar nemese sydyrmaly toqylǵan kúrte/kardigandarǵa aýystyrýǵa, sondai-aq kúndelikti kiip júrgen jeidelerin polo jeidelerge aýystyrýǵa múmkindik beriledi. Alaida kiimniń túsi, stili jáne basqa da tustary mektep ákimshiligimen kelisilýi kerek" - delingen habarlamada.
Bul QR Oqý-aǵartý ministrligi qoldanystaǵy buiryqqa engizýdi usynyp otyrǵan tolyqtyrýlardyń arqasynda múmkin bolmaq.
«Jalpy mektep formasyna qoiylatyn talaptar ózgermeidi. Bul jerde áńgime tizimdi tolyqtyrý jáne tańdaý múmkindigin berý jaiynda bolyp otyr. Buǵan deiin ata-analar bul múmkindiktiń balalar úshin yńǵaily ekenin aityp, qarastyrýdy suraǵan bolatyn. Óitkeni sabaq kezinde resmi kostiým kiiý balalardyń barlyǵyna birdei qolaily emes. Sol sebepti balama retinde yńǵailyraq kiimmen kelýge ruqsat berý usynylyp otyr. Mysaly, resmi pidjak nemese jaket ornyna toqylǵan kúrte/kardigan jáne kúndelikti jeide ornyna polo jeide. Sheshimdi mektep ákimshiligi, qamqorshylyq keńesi jáne mekteptiń ózin-ózi basqarý keńesi qabyldaidy. Bul tolyqtyrýlar kelesi jyly mektepterde sheshim qabyldaýǵa jetkilikti ýaqyt bolýy úshin aldyn ala bastalyp otyr. Biraq bul mektepter bekitilgen talaptardy mindetti túrde qaita qaraýy kerek degendi bildirmeidi. Bul qajet bolǵan jaǵdaida paidalanýǵa bolatyn qosymsha múmkindik pen nusqa ǵana», - dep túsindirdi QR Oqý-aǵartý ministrligi Orta bilim komitetiniń tóraǵasy Gúlmira Raiynbekqyzy.
Ata-analar óndirýshini tańdaýda jáne mektep formasyn satyp alýda táýelsiz.
