قازاقستاندىق وقۋشىلار ٷشٸن مەكتەپ فورماسىنىڭ نۇسقالارىن كەڭەيتۋ جوسپارلانىپ وتىر, دەپ حابارلايدى وقۋ-اعارتۋ مينيسترلٸگٸنٸڭ باسپاسٶز قىزمەتٸ.
"وقۋشىلارعا پيدجاك, جيلەت, شالبار, يۋبكا جەنە جەيدەدەن تۇراتىن قازٸرگٸ مەكتەپ فورماسىن پيدجاك پەن جاكەتتٸ تٷيمەلەرٸ بار نەمەسە سىدىرمالى توقىلعان كٷرتە/كارديگاندارعا اۋىستىرۋعا, سونداي-اق كٷندەلٸكتٸ كيٸپ جٷرگەن جەيدەلەرٸن پولو جەيدەلەرگە اۋىستىرۋعا مٷمكٸندٸك بەرٸلەدٸ. الايدا كيٸمنٸڭ تٷسٸ, ستيلٸ جەنە باسقا دا تۇستارى مەكتەپ ەكٸمشٸلٸگٸمەن كەلٸسٸلۋٸ كەرەك" - دەلٸنگەن حابارلامادا.
بۇل قر وقۋ-اعارتۋ مينيسترلٸگٸ قولدانىستاعى بۇيرىققا ەنگٸزۋدٸ ۇسىنىپ وتىرعان تولىقتىرۋلاردىڭ ارقاسىندا مٷمكٸن بولماق.
«جالپى مەكتەپ فورماسىنا قويىلاتىن تالاپتار ٶزگەرمەيدٸ. بۇل جەردە ەڭگٸمە تٸزٸمدٸ تولىقتىرۋ جەنە تاڭداۋ مٷمكٸندٸگٸن بەرۋ جايىندا بولىپ وتىر. بۇعان دەيٸن اتا-انالار بۇل مٷمكٸندٸكتٸڭ بالالار ٷشٸن ىڭعايلى ەكەنٸن ايتىپ, قاراستىرۋدى سۇراعان بولاتىن. ٶيتكەنٸ ساباق كەزٸندە رەسمي كوستيۋم كييۋ بالالاردىڭ بارلىعىنا بٸردەي قولايلى ەمەس. سول سەبەپتٸ بالاما رەتٸندە ىڭعايلىراق كيٸممەن كەلۋگە رۇقسات بەرۋ ۇسىنىلىپ وتىر. مىسالى, رەسمي پيدجاك نەمەسە جاكەت ورنىنا توقىلعان كٷرتە/كارديگان جەنە كٷندەلٸكتٸ جەيدە ورنىنا پولو جەيدە. شەشٸمدٸ مەكتەپ ەكٸمشٸلٸگٸ, قامقورشىلىق كەڭەسٸ جەنە مەكتەپتٸڭ ٶزٸن-ٶزٸ باسقارۋ كەڭەسٸ قابىلدايدى. بۇل تولىقتىرۋلار كەلەسٸ جىلى مەكتەپتەردە شەشٸم قابىلداۋعا جەتكٸلٸكتٸ ۋاقىت بولۋى ٷشٸن الدىن الا باستالىپ وتىر. بٸراق بۇل مەكتەپتەر بەكٸتٸلگەن تالاپتاردى مٸندەتتٸ تٷردە قايتا قاراۋى كەرەك دەگەندٸ بٸلدٸرمەيدٸ. بۇل قاجەت بولعان جاعدايدا پايدالانۋعا بولاتىن قوسىمشا مٷمكٸندٸك پەن نۇسقا عانا», - دەپ تٷسٸندٸردٸ قر وقۋ-اعارتۋ مينيسترلٸگٸ ورتا بٸلٸم كوميتەتٸنٸڭ تٶراعاسى گٷلميرا رايىنبەكقىزى.
اتا-انالار ٶندٸرۋشٸنٸ تاڭداۋدا جەنە مەكتەپ فورماسىن ساتىپ الۋدا تەۋەلسٸز.
