Foto: vecher.kz
Ult.kz-te jihankez jýrnalist Dinara Bolattyń ózge paiymy.
Jańa oqý jylyna daiarlyq kezinde ata-analardyń keibirinde mektep formasyna qarsylyq baiqaldy. Kóp ata-ana mektep formasyna qarsy petitsiia jazyp, qol qoisa, endi biri áleýmettik jelige shyǵyp, mektep formasynyń bolǵanyn qoldaityndaryn aitýda. Másele nede? Anyqtap kóreiik.
Mektep formasynyń maqsaty
Áý bastan mektep formasy jeke menshik mektepterde bilim ordasynyń imidjin beineleitin kiim retinde kiilgen edi. Keiin birdei kiim úlgisi jappai barlyq mektep oqýshylarynan talap etiletin boldy. Ondaǵy maqsat ‒ barlyǵyna birdei mektep formasy oqýshylar arasynda kiimine, otbasylyq jaǵdaiyna bailanysty alalaýshylyqtyń aldyn alý quraly sanalady.
Birdei úlgide kiingen balalardyń áleýmettik aiyrmashylyǵyn jasyrýdan bólek, mektep formasy olardy jinaqylyqqa, tártipke shaqyrady degen maqsat ta joq emes.
Ata-analar nege qarsy?
Al ata-analardy alańdatyn másele mektep formasynyń jyldan jylǵa ósip jatqan baǵasy men naryqta bul taýardyń monopoliialanýy. Kópshilik mekteptiń belgili bir dúkendermen ózara kelisip, tek naqty jerden satyp alýlaryn mindetteitini narazylyq týdyrdy. Odan bólek jyl saiyn negizgi kiimderge qosalqy belgi, oramal sekildi dúnielerdi alý qajettigine qarsy.
Paiym
Býlling máselesi ózekti zamanda mektep formasynyń bolǵany jón. Kóp jaǵdaida jasóspirimderde erkindikte shek bolmai ketedi. Bir oqýshy múmkindigi jetkenshe kiinse, jaǵdaiy táýir ekinshi biri kórip qyzyqqan, qiialyndaǵynyń bárin iske asyryp kiinýi ábden múmkin. Bul degenimiz sol ortadaǵy kóp balaǵa stress. Sol sebepti mektep formasynyń jeńildetilgen túri iaǵni barlyǵyna birdei tústen qarapaiym, sapaly kiim mindettelgeni abzal. Sonymen birge ata-analar ol kiimdi qalaǵan dúkennen satyp alý erkindigi saqtalsa úlken jeńildik bolary sózsiz.
Dinara Bolat
.jpg)