مەكتەپ فورماسى قاجەت پە?

فوتو: vecher.kz

Ult.kz-تە جيھانكەز جۋرناليست دينارا بولاتتىڭ ٶزگە پايىمى.

جاڭا وقۋ جىلىنا دايارلىق كەزٸندە اتا-انالاردىڭ كەيبٸرٸندە مەكتەپ فورماسىنا قارسىلىق بايقالدى. كٶپ اتا-انا مەكتەپ فورماسىنا قارسى پەتيتسييا جازىپ, قول قويسا, ەندٸ بٸرٸ ەلەۋمەتتٸك جەلٸگە شىعىپ, مەكتەپ فورماسىنىڭ بولعانىن قولدايتىندارىن ايتۋدا. مەسەلە نەدە? انىقتاپ كٶرەيٸك.

مەكتەپ فورماسىنىڭ ماقساتى

ەۋ باستان مەكتەپ فورماسى جەكە مەنشٸك مەكتەپتەردە بٸلٸم ورداسىنىڭ يميدجٸن بەينەلەيتٸن كيٸم رەتٸندە كيٸلگەن ەدٸ. كەيٸن بٸردەي كيٸم ٷلگٸسٸ جاپپاي بارلىق مەكتەپ وقۋشىلارىنان تالاپ ەتٸلەتٸن بولدى. ونداعى ماقسات ‒ بارلىعىنا بٸردەي مەكتەپ فورماسى وقۋشىلار اراسىندا كيٸمٸنە, وتباسىلىق جاعدايىنا بايلانىستى الالاۋشىلىقتىڭ الدىن الۋ قۇرالى سانالادى.

بٸردەي ٷلگٸدە كيٸنگەن بالالاردىڭ ەلەۋمەتتٸك ايىرماشىلىعىن جاسىرۋدان بٶلەك, مەكتەپ فورماسى ولاردى جيناقىلىققا, تەرتٸپكە شاقىرادى دەگەن ماقسات تا جوق ەمەس.

اتا-انالار نەگە قارسى?

ال اتا-انالاردى الاڭداتىن مەسەلە مەكتەپ فورماسىنىڭ جىلدان جىلعا ٶسٸپ جاتقان باعاسى مەن نارىقتا بۇل تاۋاردىڭ مونوپولييالانۋى. كٶپشٸلٸك مەكتەپتٸڭ بەلگٸلٸ بٸر دٷكەندەرمەن ٶزارا كەلٸسٸپ, تەك ناقتى جەردەن ساتىپ الۋلارىن مٸندەتتەيتٸنٸ نارازىلىق تۋدىردى. ودان بٶلەك جىل سايىن نەگٸزگٸ كيٸمدەرگە قوسالقى بەلگٸ, ورامال سەكٸلدٸ دٷنيەلەردٸ الۋ قاجەتتٸگٸنە قارسى.

پايىم

بۋللينگ مەسەلەسٸ ٶزەكتٸ زاماندا مەكتەپ فورماسىنىڭ بولعانى جٶن. كٶپ جاعدايدا جاسٶسپٸرٸمدەردە ەركٸندٸكتە شەك بولماي كەتەدٸ. بٸر وقۋشى مٷمكٸندٸگٸ جەتكەنشە كيٸنسە, جاعدايى تەۋٸر ەكٸنشٸ بٸرٸ كٶرٸپ قىزىققان, قييالىنداعىنىڭ بەرٸن ٸسكە اسىرىپ كيٸنۋٸ ەبدەن مٷمكٸن. بۇل دەگەنٸمٸز سول ورتاداعى كٶپ بالاعا سترەسس. سول سەبەپتٸ مەكتەپ فورماسىنىڭ جەڭٸلدەتٸلگەن تٷرٸ ياعني بارلىعىنا بٸردەي تٷستەن قاراپايىم, ساپالى كيٸم مٸندەتتەلگەنٸ ابزال. سونىمەن بٸرگە اتا-انالار ول كيٸمدٸ قالاعان دٷكەننەن ساتىپ الۋ ەركٸندٸگٸ ساقتالسا ٷلكەن جەڭٸلدٸك بولارى سٶزسٸز. 

دينارا بولات