Búgin Úkimet otyrysynda QR Bilim jáne ǵylym ministri Ashat Aimaǵambetov 2025 jylǵa deiin Qazaqstanda bilim men ǵylymdy damytýdyń memlekettik baǵdarlamasyn tanystyrdy, – dep habarlaidy «Ult aqparat».
2021 jyldan bastap aýdandyq bilim bólimderin basqarý oblystyq deńgeige aýysady.
«Bilim berýdi basqarý, qarjylandyrý da óte ózekti problemalardyń biri. Osyǵan orai 2021 jyldan bastap aýdandyq bilim bólimderin basqarý oblystyq deńgeige aýysady. Qarjylandyrý da oblystyq deńgeige kóteriletin bolady. Ol óńirler men mekemeler arasyndaǵy bilim alshaqtyǵyn azaitýǵa, jetkilikti deńgeide qarjylandyrýǵa baǵyttalady» dedi Ashat Aimaǵambetov.
Sonymen qatar ministr keiingi kezderi bilim berý mekemeleriniń basshylaryn taǵaiyndaý tártibine qatysty suraqtar kóbeiip otyrǵanyn aitty.
«Mysaly birqatar uiym basshysy 20 jyldan astam ýaqyttan beri bir orynda jumys atqarýda. Basqarý menedjmenti boiynsha da búgingi kúni shynyn aitý kerek, suraqtar kóp jáne bul másele syn kótermeidi. Sondyqtan balabaqsha, mektep, kolledj direktorlaryn jańa júiede taǵaiyndaityn bolamyz. Oǵan qosa, aldaǵy ýaqytta rotatsiialaý arqyly aýystyrý júiesin de qoldanamyz. Zamanaýi talaptarǵa sáikes derbes basqarýdan korporativti basqarýǵa bilim salasy da kóshetin bolady» dedi ministr.
