Qaraǵandy oblysynyń mektep direktorlary biýdjet qarjysy esebinen shetelge tájiribe almasýǵa jiberiletin bolady. Bul týraly bilim qyzmetkerleriniń dástúrli tamyz konferentsiiasynda oblystyq bilim basqarmasynyń bastyǵy Asqat Aimaǵambetov aitty dep habarlaidy QazAqparat.
Bilim berý salasynda josparlanǵan jańa jobalarǵa toqtalǵan A.Aimaǵambetov basshylardyń biliktiligin kóterý kózdelip otyrǵanyn atap ótti. Atap aitqanda, Qaraǵandynyń mektep direktorlary biýdjet qarjysy esebinen shetelge tájiribe almasýǵa baratyn bolady.
«Shyndyǵynda, kóp estip, oqyǵannan, bárin óz kózimen kórý áldeqaida artyq. Sondyqtan, mektep direktorlary jumys nátijeli bolýy úshin áriptesteriniń tájiribesin úirenýi, bilýi qajet. Biz sizderdi bul máselede qoldaimyz. Elimizdiń, jaqyn jáne alys shetelderdiń úzdik mektepterine tájiribe almasýǵa jiberý baǵdarlamasyn bir aidyń ishinde jasaýdy tapsyramyn. Sonymen birge, pedagogtardy attestatsiiadan ótkizýdiń júiesin qaita qarańyzdar. Bizge elektrondy úlgide rásimdeýge kóshý qajet», - dedi usynysty qoldaǵan Qaraǵandy oblysynyń ákimi Erlan Qoshanov.
Konferentsiiada aimaq basshysy qoǵamdaǵy ustazdyń róli men mańyzyn basa aitty.
«Men ózim pedagogtar otbasynda óskendikten, muǵalimniń eńbegine zor qurmetpen qaraimyn. Pedagog bolý - jaýapkershilikti, kúrdeli ári qurmetti is. Muǵalim adamnyń qalyptasýyna jáne onyń taǵdyryna yqpal etedi. Ýinstona Cherchilldiń «Mektep muǵalimderi premer-ministr armandaityndai bilikke ie» degen sózi tegin emes. Elbasynyń bilimge, básekege qabilettilikke jáne ultymyzdyń bolashaǵyn tárbieleýde alǵa qoiǵan tapsyrmasyn oryndaý tikelei Sizderdiń eńbekterińizge bailanysty», - dedi ol.
Is-shara úzdik pedagogtarǵa QR Bilim jáne ǵylym ministrligi men oblys ákiminiń marapattaýlaryn tapsyrýmen aiaqtaldy. Al jas mamandarǵa noýtbýkter syiǵa berildi.
