Foto: Videodan skrinshot
Seisenbi kúni Meksikanyń prezidenti Klaýdiia Sheinbaým el astanasy Mehiko kóshesinde turǵyndarmen sóilesip turǵan sátte ishimdikke toiyp alǵan er adam ony súimek boldy. Bul týraly Ult.kz Theguardian basylymyna silteme jasap habarlaidy.
Oqiǵanyń beinejazbasynda mas kúidegi er adam prezidenttiń moinynan súimek bolyp, artynan qushaqtaýǵa tyrysqany kórinedi. Sol sátte Sheinbaým onyń qolyn iterip, burylyp qaraidy, osy sátti prezidenttiń janyndaǵy bilik ókili arashalap alady.
Er adamdy alyp ketken kezde Sheinbaým sál jymiyp:
«Ýaiymdamańyzdar», – dep jaýap bergeni estiledi.
Shtat politsiiasy keiinnen er adamnyń ustalǵanyn rastady. Al Sheinbaým sársenbi kúni ol adamǵa qarsy shaǵym túsiretinin málimdedi.
«Men áiel bolǵandyqtan mundai jaǵdaiǵa ózim de tap boldym, biraq bul – búkil elimizdegi áielderge qatysty másele», – dedi prezident óziniń kúndelikti baspasóz máslihatynda. – «Eger men shaǵymdanbasam, onda ózge meksikalyq áielderdiń jaǵdaiy ne bolmaq? Eger muny prezidenttiń ózine jasasa, onda eldegi basqa áielderge ne isteýi múmkin?» – dedi ol.
