Aeromexico áýekompaniiasynyń Embraer 190 ushaǵynyń jolaýshysy Ramin Parsa avialainerdiń jerge soǵylǵan sátin videoǵa túsirip alypty. Beinejazba áleýmettik jelilerde jariialanǵan.
Videoda kóringendei, ushaq jyldamdyq alyp usha bastaǵan kezde, qatty jańbyr jaýyp, jel uiytqyp turǵan. Ushaq jerden kóterile bere, birden qulaǵan siiaqty, sodan keiin kamera jolaýshynyń qolynan túsip ketedi. Adamdardyń aiǵailaǵan daýystary estiledi.
Esterińizge sala ketsek, Mehikoǵa bet alǵan Embraer 190 ushaǵy Dýrango qalasynyń áýejaiynda qulady. Qatty jel men daýyldan lainerdiń ushýy qiyndap, ekipaj jerge qonýǵa sheshim qabyldaǵan. Áýe kemesi qoný kezinde ushý-qoný jolaǵynan shyǵyp ketti.
Ushaq bortynda 103 adam boldy, qaza tapqandar joq. Lainerden shyqqan órtke qaramastan, jolaýshylardyń deni ushaqtan ózderi shyǵyp úlgergen. Zardap shekkender dárigerlerdiń kómegine júgingen.
