Meksikanyń Nýevo-Leon shtatyndaǵy Monterrei qalasynyń turmysy tómen otbasylar mekendegen aýdanynda órt shyǵyp, 100 otbasy baspanasyz qaldy. Úilerdiń bári adamdar qolyna túsken materialmen jasap alǵan kúrke-lashyqtar, dep habarlaidy QazAqparat agenttigi El Milenio gazetiniń saityna silteme jasap.
Aldyn ala málimet boiynsha, birneshe júzdegen adam baspanasyz qalǵan. Órtti 4 órt sóndirý bóliminiń mamandary birneshe saǵat arpalysyp, óshirgen. Qaza tapqandar men japa shekkender týraly málimet joq.
Óńir biligi ýaqytsha baspana jasap, úisiz qalǵandardy sonda toptastyrýda. Órttiń neden shyqqany ázirshe belgisiz.
Bir ǵana «úidi jylytý kezinde ot jaǵý qaýipsizdigin saqtamaǵan bolýy múmkin» degen boljam bar. Sebebi jeksenbige qaraǵan túni bul óńirde aýa temperatýrasy -1 gradýsqa deiin tómendegen.
