Meksikanyń Ulttyq antrapologiia jáne tarih institýtynyń qyzmetkerleri erler, áielder men balalardyń bassúiekterinen turǵyzylǵan munarany tapty, - dep habarlaidy Reuters. Bul qazbany ǵalymdar eki jyl izdegen, al tabylǵan munara atstekter mádenieti týraly jańa málimetterge jol ashpaq.
Mehiko mańynda ispandar kelgenge deiin atstekterdiń kún jáne soǵys qudaiy Ýitsilopochtlidiń piramidasy retinde belgili Templo Maior ǵibadathanasy bolǵan orynnan 650 adamnyń bassúieginen turǵyzylǵan munara tabyldy. Munara diametri - alty metr. Bastar mezoamerikalyq órkeniettiń birqatarynda bolǵan arnaiy tireýishter - tsompantlige tizilgen.
Adamnyń bastarynan jasalǵan munara týraly ańyz júzdegen jyldar adamdardyń úreiin týdyrǵan edi, biraq, osy ýaqytqa deiin onyń baryn naqty dáleledeý múmkin bolmai kelgen.
Tarihshylar atstekter týraly burynǵy túsinikterdiń birazyn joqqa shyǵarý kerek bolatynyn aitady. Ańyz boiynsha munaraǵa shaiqasta jeńilgen jaýlardyń bas súiekteri tizilgen bolý kerek edi, alaida, ǵalymdar munarada áielder men balalardyń bastary baryn da anyqtady. Bul qazba adamdardyń qurbandyqqa shalynǵanyn bildiredi.
Ernat Kortespen birge Meksikany jaýlaǵa qatysqan ispaniialyq konkistador Andresa de la Tapiidiń jazbasy boiynsha, munara ony myńdaǵan adamnyń bas súieginen jasalǵan. Qazirgi kezde tek 676 bassúiek qana tabyldy. Degenmen qazba jumystary áli aiaqtalǵan joq. Al tabylǵan munara mundai qurylys kesheniniń bir bóligi ǵana ekenin aitady.
Kortes basqarǵan ispaniialyqtar Meksikaǵa 1519 jyly kelgen. Eki jylda olar atstekter astanasy Tenochtitlan joiǵan bolatyn, qazirgi Mehiko osy qalanyń orynda tur.
Maýsym basynda Meksika astanasynyń ortalyǵynan Ketsalkoatl qudaiynyń ǵibadathanasy men joralǵylar ótkizetin alań tabylǵan bolatyn. Ol jerden de qurbandyqqa shalynǵan adamdardyń súiekteri tabylǵan edi.
