Sýret: RIA Novosti
Mekkede úlken qajylyq kezinde alty adam qatty ystyqtan qaza tapty. Saýd Arabiiasynyń sheneýnikteri biyl temperatýranyń +48°-qa jetýi múmkin ekenin eskertken, dep habarlaidy CNN portaly.
Qaza tapqandardyń altaýy da Iordaniia azamattary bolyp shyqty. Iordaniia Syrtqy ister ministrligi Djiddadaǵy azamattardyń jerleý rásimin jine denesin elge qaitarýdy Saýd Arabiiasy biligimen kelisetinin jetkizdi.
Oqiǵa 15 maýsym kúni Arafat taýynyń basynda oryn alǵan. Qaza tapqandardyń biriniń jieni CNN-ge bergen suhbatynda ápkesiniń Arafat taýynda kóz jumyp, Saýd Arabiiasynda jerlengenin aitqan.
Saýd Arabiiasynyń Bas statistikalyq basqarmasynyń málimeti boiynsha, biylǵy jyly úlken qajylyqqa 1,8 millionnan astam adam qatysqan.
Úlken qajylyq – álemdegi eń úlken dini jiyndardyń biri. Ol jylyna bir ret Ramazan aiy aiaqtalǵannan keiin eki ai jáne 10 kún ótken soń, islamdyq Zýl-hija aiynda bolady.
.jpg)