Qazaqstandyq diplomattar Mehiko qalasynda ótken 2019 jylǵy «Dostyq mádenietteri festivaline» qatysty, dep habarlaidy "Ult aqparat" QR SIM baspasóz qyzmetine silteme jasap.
Sharaǵa jergilikti diasporalardyń jáne 93 eldiń diplomatiialyq missiia ókilderi qatysty. Qazaqstannyń pavilonyn festivaldiń alǵashqy kúni Meksika astanasynyń meri Mehiko Klaýdiia Sheinbaým kelip kórdi.
«Pavilonǵa kelýshilerdiń nazaryna ulttyq qolóner týyndylary, kádesyilar, elimiz týraly ispan jáne aǵylshyn tilindegi kitaptar usynyldy. Teleekranda qazirgi Qazaqstan týraly videorolikter, qazaq halqynyń mádenieti men bolmysyn pash etken derekti filmder men tarihi týyndylar kórsetildi. Bir aita keterligi, festivalde Dimash Qudaibergenniń Meksikadaǵy fan-klýby erekshe belsendilik tanytyp, otandasymyzdyń ómirimen tereńirek tanysqanyn atap ótý kerek», - delingen ministrliktiń habarlamasynda.
Pavilonda túsirilgen shaǵyn videodan Dimash Qudaibergenniń meksikalyq fan-klýbynyń sálem joldap jatqanyn baiqaýǵa bolady.
Elshiliktiń jyl saiyn ótetin bul festivalge qatysýy Qazaqstannyń tanymaldyǵyn arttyra túsedi. Ásirese, bul jolǵy shara meksikalyq jastar úshin Qazaqstandy keńirek tanyta túskeni anyq.
