Ánshi Meirambek Bespaevtyń 50 jas mereitoiynda anasy Jibek Joldasova ulynyń bala kezin eske alyp, aq tilegin jetkizdi, dep habarlaidy ult.kz.
Óner iesiniń anasy balasynyń ánge jaqyn bolyp óskenin, ony án aitylatyn ortaǵa ertip júrgenderin aitty. Degenmen Meirambektiń el súiispenshiligine bólenýin eń aldymen óziniń talaby men boiyndaǵy darynymen bailanystyrdy.
“Qai jerde án aitylady, sol jerge Meirambekti súirep júretin edik. Biraq bári óziniń talabyna bailanysty. Daryny boiynda bolǵandyqtan halyqtyń súiikti ánshisi atanyp otyr. Jasyń uzaq bolsyn, balam. Deniń saý bolsyn”, – dedi anasy.
Aita keteiik, Zattybek Meirambektiń mereitoiynda dombyrany 16 million teńgege satyp aldy.
Meirambek Bespaev kim?
Meirambek Bespaev — qazaq estradasynyń tanymal ánshisi, “MýzART” tobynyń múshesi, Qazaqstannyń eńbek sińirgen qairatkeri. Ol 1976 jyly 7 qarashada dúniege kelgen. Bala kezinde “Boztorǵai” ánin oryndap, elge tanylǵan. Óner jolynda ánshi ári kompozitor Altynbek Qorazbaevtyń tálimin alǵan.
Meirambek Bespaev qońyr daýsymen, halyq ánderi men lirikalyq shyǵarmalardy oryndaýymen erekshelenedi. “MýzART” tobynda Sáken Maiǵaziev jáne Kenjebek Janábilovpen birge óner kórsetip, tyńdarman yqylasyna bólendi.
Onyń repertýarynda týǵan jer, ana, mahabbat pen saǵynysh taqyrybyndaǵy ánder kóp.
