Resei premer-ministri Dmitrii Medvedev AQSh-tyń Reseige salǵan jańa sanktsiiasy Máskeýdiń Vashingtonmen qarym-qatynasyn jaqsartý týraly úmitin úzgenin málimdedi. "Reseige tolyqqandy saýda soǵysy jariialandy" dedi Medvedev. Onyń pikirinshe, sanktsiia rejimi "ondaǵan jyl boiy saqtalady" jáne shekteý "barlyq salany qamtityndyqtan" ony AQSh prezidenti Kongrestiń kelisiminsiz óz betimen joia almaidy. Medvedev Máskeý men Vashingtonnyń qarym-qatynasy "kongrestiń quramy men prezidenttiń kim ekenine qaramastan óte shielenisti bolatynyn" aitady.
Dmitrii Medvedev Resei biligi "ekonomika men áleýmettik salany damytý jumystaryn jalǵastyra beretinin málimdedi. "Biz qiyndyqty eńseremiz" dedi premer-ministr.
Resei prezidentiniń baspasóz hatshysy Dmitrii peskov buǵan deiin AQSh-tyń jańa salǵan sanktsiiasy "is júzinde eshnárseni ózgertpeitinin" málimdegen. Peskov Kreml AQSh-qa qandai da bir jaýap sharalaryn jasai ma degen saýalǵa "ondai sharalardyń endigi qabyldanyp qoiǵanyn" aitqan.
AQSh prezidenti Donald Tramp 2 tamyzda Reseige qarsy jańa sanktsiia salatyn zańǵa qol qoiǵan. Ol zańdy munyń aldynda AQSh senaty mauldaǵan. Qujat Reseidiń munai-gaz salasyna salatyn investitsiia kólemin barynsha shektep, Vashington kibershabýyldarǵa, korrýptsiia men adam quqyqtaryn buzýǵa qatysy bar dep sanaityn reseilikterge qarsy jańa sanktsiia salady. Zań sonymen qatar Donald Tramptyń múmkindikterin shekteidi. Endi AQSh prezidenti Reseige qarsy sanktsiiany Kongrestiń maquldaýynsyz joia almaidy. Tramptyń ózi zańdy óziniń ókilettikterine "qol suǵady" dep sanaidy.
Resei prezidenti Vladimir Pýtin buǵan deiin Kreml AQSh jańa sanktsiia salsa, "qandai da bir jaýap sharalaryn" jasaitynyn málimdegen. Budan soń Resei syrtqy ister ministrligi eldegi amerikalyq diplomatiialyq missiia qyzmetkerleriniń sanyn qysqartýdy talap etken.
