Almatyda azamattyq aviatsiia institýtynyń jataqhanasy karantinge jabyldy. Bul týraly qalanyń bas sanitar dárigeri Jandarbek Bekshin onlain brifingte aitty, dep habarlaidy "Ult aqparat".
«Almatyda ótken aptanyń sársenbisinde azamattyq aviatsiia institýtynyń jataqhanasy karantinge jabyldy. Turǵyndardyń barlyǵy basqa jataqhanalarǵa jáne qonaq úilerge jiberildi. Ǵimaratta dezinfektsiialyq sharalar júrgizildi», - dedi ol.
Bas sanitar dáriger meditsinalyq qyzmetkerlerdiń jataqhanasyna qatysty da aityp ótti.
«Almatyda 4 112 meditsinalyq qyzmetker blokpost syrtynda turatyndyqtan olardy ornalastyrýǵa 20 jataqhana men 20 qonaq úi uiymdastyrylǵan bolatyn. Provizorlyq ortalyqtar, karantin statsionarlarynda, infektsiialyq statsionarda jumys isteitin meditsinalyq qyzmetkerler qonaq úige jiberildi», - dedi J.Bekshin.
Onyń aitýynsha, Almatyda meditsinalyq qyzmetkerler turatyn eki jataqhana da jabylǵan.
«Meditsinalyq qyzmetkerler sanitarlyq normalardy saqtamaǵandyqtan jataqhanalar jabyldy. Olar oqshaýlaý tártibin ustanbai, keshke jinalyp, shai iship, bir-biriniń bólmesine qonaqqa barǵan. Mekeme basshylaryna olarmen profilaktikalyq áńgime júrgizý týraly usynys berildi», - dedi ol.
